दाङ लगायत देशका ४२ स्थानमा शान्ति समाजको प्रदर्शन

दाङ – मानव अधिकार तथा शान्ति समाजले दाङ लगायत देशका ४२ स्थानमा प्रदर्शन गरेको छ । ७२ औँ अन्र्तराष्ट्रिय मानव अधिकार दिवसको सन्र्दभ पारी आणविक अस्त्र उन्मुलनका लागि प्रदर्शन गरेको शान्ति समाजका केन्द्रीय महासचिव सुशील बस्नेतले जानकारी दिए । आणविक अस्त्र रहेसम्म यो प्यारो धर्तीमा कोही सुरक्षित छैनन् भन्ने नाराका साथ दाङको तुलसीपुर स्थित बिपी चौकमा प्रदर्शन गरिएको हो ।

अमेरिका, रुस, चीन, ब्रिटेन, फ्रान्स, भारत, पाकिस्तान, उत्तरकोरीया र ईजरायल गरी ९ वटा नेपाल स्थित राजदुतावास अगाडी शान्ति समाजले प्रर्दशन गरेको छ । त्यस्तै विभिन्न जिल्लामा प्रदर्शन भईरहेको शान्ति समाजले जनाएको छ । सन् १९४५ को अगस्थ ६ मा अमेरिकाले जापानको हिरो सिमामा खसालेको एटम बम झण्डै १५ किलो टन टीएनटी क्षमताको थियो । हिरोसिमा बिष्फोटन पछि १२ बर्ग किलोमिटर क्षेत्रफल ध्वस्त भयो, हजारांै मान्छे क्षण भरमा मारिएका, हजारांै घाईते भए, विकिरणका कारण भएको क्षति र मुत्युको संख्या झनै भयावह छ । अमेरिकाले त्यसको ३ दिन पछि नागासाकीमा दोस्रो बम खसालेको बिगतको तितो यर्थाताको स्मरण समेत प्रदर्शनमा गराइएको थियो ।

२५ बर्ष अघिदेखि आणविक अस्तको विश्वव्यापी उन्मुलनको लागि अभिनारत मानव अधिकार तथा शान्ति समाजले १० बुँदे सुझाव प्रस्तुत समेत गरेको छ । अमेरिका, रुस, चीन, ब्रिटेन, फ्रान्स, भारत, पाकिस्तान, उत्तरकोरीया र ईजरायलले आणविक हतियार निषेध सन्धी शिघ्र अनुमोदन गर्नु पर्दछ, आणविक हतियार निषेध सन्धीको एउटा हस्ताक्षरकर्ता नेपालले सो सन्धीलाई शिघ्र अनुमोदन गर्नु पर्दछ, विद्यमान आणविक अस्तहरु विश्वव्यापी रुपमा समुल नष्ट गर्नु पर्दछ, आणविक अस्त्रको निर्माण, भण्डारण र परिक्षणमा सदा सदाका लागि पूर्ण प्रतिबन्ध लगाउनु पर्दछ भन्ने छ ।

त्यस्तै युद्ध भएपछि आणविक अस्त्रको पनि प्रयोग हुने खतरा भएकाले युद्धका कुनै पनि संभावनालाई खारेज गर्न सबैले योगदान गर्नु पर्दछ, युद्ध रोक्न र शान्ति प्रबद्र्धन गर्न संयुक्त राष्ट्र संघले विशेष पहल गर्नु पर्दछ, वर्षौको प्रयासपछि आणविक हतियार निषेध सन्धीजारी भएजस्तै युद्धमाथि प्रतिबन्धका लागि अर्को सन्धीजारी गर्न योगदान गर्नु पर्दछ, आणविक फोहोरको ओसारपसार, आवागमनमा प्रबिन्ध लगाउनु पर्दछ, समस्त जल, थललाई आणविक अस्त्र मुक्त क्षेत्र घोषणा गर्नु पर्दछ र अन्तरिक्षको सैनिककरणको कुनै पनि कार्य माथि सदा सदाका लागि प्रतिबन्ध लगाउनु पर्छ भन्ने सुझाब शान्ति समाजले दिएको छ ।

प्रदर्शन कार्यक्रममा समाजका केन्द्रीय महासचिब सुशील बस्नेत, शान्ति समाज अनुशासन समितिका केन्द्रीय विभागिय सदस्य सुरेश श्रेष्ठ, सल्यान शाखाका पुर्ब सभापति शिवशंकर गिरी, नगर स्तरीय अपाङ सञ्जालका देवा डाँगी, अपाङग समाज सुधार केन्द्रका अध्यक्ष हुमाकान्त कँडेल, यज्ञ बिक, दलित नागरिक समाजका सचिव पोषण सेन्चुरी, लगायतले बोलेका थिए । शान्ति समाजका केन्द्रीय सुशासन समितिका विभागीय संयोजक निर्मलले कार्यपत्र प्रस्तुत गरेका थिए । शाखा सभापति शरद रेग्मीको अध्यक्षतामा समापन भएको थियो भने प्रदर्शन कार्यक्रमको सहजिकरण सचिव निर्मला डाँगीले गरेकी थिइन् ।

सम्बन्धित समाचार

श्रीमतीले गरिन् श्रीमानको घाँटी रेटेर हत्या

तारले रुखमा बाँधेर ज्यूँदै जलाएको अवस्थामा काभ्रेमा भेटियो  पुरुषको शव

दोषी भए फाँसी दिनुहोस भन्दै मध्यरातमा सन्दिपले  लेखे यस्तो भावुक स्टाटस

आज मातातीर्थ औँसी, आमाको मुख हेर्ने दिन