विधेयक रोकियो, आन्दोलन रोकिएन ।

हङकङमा लाखौं नागरिकले सडकमा प्रदर्शन गरेपछि सरकारले अभियुक्तलाई  चीन सुपुर्दगी गर्ने विधेयक केही दिनअघि रोक्यो। विधेयक रोकिए पनि हङकङमा आन्दोलन र प्रदर्शन भने रोकिएको छैन । सोमबार फेरि  हिंसात्मक प्रदर्शन भएको छ ।

जुलाई १ बेलायतले हङकङ चीनलाई हस्तान्तरण गरेको दिन हो । त्यही अवसरमा सोमबार हङकङ सरकारले औपचारिक कार्यक्रम गर्न लागेको थियो ।  आन्दोलनकारीले उक्त कार्यक्रमलाई लक्षित गरेर सरकारको मुख्यालयमै प्रदर्शन गरेका छन् ।

हङकङकी प्रमुख कार्यकारी लारी क्यामले सुपुर्दगी विधेयकको प्रक्रिया रोकेकी छन् । तर प्रदर्शनकारीले विधेयक खारेज गर्नुपर्ने र क्यामले राजीनामा दिनुपर्ने माग गरेका छन् ।

जुलाई १ को अवसर पारेर प्रदर्शनकारीले सोमबार संसद भवनबाहिर प्रदर्शन गरेका थिए। धेरै युवाहरू संलग्न भएको उक्त प्रदर्शनका क्रममा प्रहरीले पेपर स्प्रे फालेपछि अवस्था हिंसात्मक भएको हो ।

प्रदर्शनकारीहरूले संसद भवनमा झ्याल फुटाइदिएका छन् भने बाहिर लगाएको फलामे पर्खाल पनि तोडेका छन् । प्रहरीको हस्तक्षेपबाट जोगिन प्रदर्शनकारीले टाउकोमा पहेँलो हेलमेट पनि लगाएका छन् ।

हङकङ सरकारले आज प्रदर्शनकारीले गरेको हर्कत खेदजनक भएको बताएको छ ।

तनाव बढ्दै गएपछि सरकारले संसद भवन आसपासको क्षेत्रमा रेड अलर्ट जारी गरेको छ भने प्रदर्शनकारी संसद भवन खाली गर्न भनेको छ ।

जुलाई १ कै अवसर पारेर हङकङमा अर्को शान्तिपूर्ण प्रदर्शन पनि भइरहेको अन्तर्राष्ट्रिय सञ्चारमाध्यमले जनाएका छन् । सेतोपाटीमा ख़बर छ ।

सम्बन्धित समाचार

सरकारसंग बदला लिन चालकले खसाईदिए बस, २१ मृत्यु

भारत र बंगलादेशमा सन् १९९९ यताकै विनाशकारी आंँधी, अहिलेसम्म ८४…

भारत र नेपाल सम्बन्धबारे अभिनेत्री मनिषालाई सुषमाका श्रीमान् कौशलको ट्वीट…

भारतको उत्तर प्रदेशमा २६८ ओटा विषेश रेलबाट तीन लाख नागरिक…