बाबुको मृत्यु पछि बिचल्ली परिवारलाई जन सम्पर्क समिती साईप्रस र डेनमार्कको आर्थिक सहयोग

निकोसिया – ऋण तिर्न नसकेर आत्माहत्या गरेका परिवारलाई नेपाली जन सम्पर्क समिती साईप्रस र डेनमार्कले आर्थिक सहयोग गरेका छन् ।

श्रीमतीको उपचार गर्नका लागि लिएको ऋणबाट उत्रीन नसकेपछि धादिङका यमबहादुरले घर नजिकैको टाँकीको रूखमा झुन्डीएर आत्महत्या गरेको थिए ।

उक्त दु:खद खबर पाउने बित्तिकै अभियान चालेका समितीले आर्थिक संकलन गरि हस्तान्तरण गरेको हो । जस्मा नेपाली जन सम्पर्क समिती साईप्रसले एक लाख एक सय रुपौयाँ र नेपाली जनसम्पर्क समिती डेनमार्कले पचास हजार रुपैयाँ सहयोग गरेका छन् ।

नेपाली काङ्रेसका प्रवक्ता विश्व प्रकाश शर्माले यमबहादुरको घरमै गएर उनका बालबालिकालाई स्थानीय बिद्यालयका शिक्षक, स्थानीय जनप्रतिनिधी र नेपाली कांग्रेस धादिङका नेताहरुको रोहवरमा उक्त रकम हस्तान्तरण गरेका हुन् ।

प्रवक्ता शर्माले आफ्नो तर्फबाट पनि दस हजार थप गरी एकलाख साठी हजार एक सय रुपयांँ उनीहरुको पठन-पाठन र जीविकोपार्जनमा सहयोग पुगोस भनेर जन संपर्क समितीका साथीहरुको आग्रहमा आफूले सहयोग हस्तान्तरण गरेको बताए ।

बाबुको निधन भए पछि १२ बर्षिय करिना मगरले आफ्नी बिरामी आमा र साना भाईबहिनीलाई स्याहार गर्दै आएकी छिन् । नेपाली कांग्रेस धादिङका सभापति रमेश धमला, नेपाली कांंग्रेस सभापति उद्धब बराल, पूर्व सभापति रामनाथ ढकाल, बाशुदेव तिमिल्सेना, जनसम्पर्क समिति साइप्रसकी सदस्य कुशुम गुरुङ लगायत अन्य स्थानीय प्रतिनिधिहरु र पत्रकारहरु करिनाको घरमै भेला भएर उक्त रकम हस्तान्तरण गरिएको हो ।

 खबर सुनेर स्तब्ध भैइ जन संपर्क समितिका साथीहरुलाई अनुरोध गरे पछि उक्त सहयोग संकलन भएको समितिकी सभापति सीता अर्यालले बताउनु भयो ।

सम्बन्धित समाचार

माल्टामा २८६०औं सोनाम ल्होछार कार्यक्रम भव्यरुपमा सम्पन्न, एनसीसी अध्यक्ष खनाल…

उपाध्यक्ष रेग्मीले थाले एनआरएनए भित्रको विवाद मिलाउने पहल, निर्वाचन जितेका…

एनआरएनए यूकेको कार्यसमिति विस्तार, सदस्यमा क्षमता ढकाल मनोनित, को हुन्…

युरोप र एसियाभर देखियो वर्ड फ्लू