झापामा आठ महिनाका बालकको हत्या

‍‍‍‍‍‍‍‍‍‍‍‍झापा- झापामा आठ महिनाका बालकको हत्या भएको छ।

हत्या आरोपमा दमक नगरपालिका-३ बेलडाँगी भुटानी शिविर सेक्टर बी ४ हट नम्बर ४३२ बस्ने ५० वर्षीय पञ्चवीर घिसिङलाई सोमबार बेलुकी प्रहरीले पक्राउ गरेको छ।

उनकै घरमा आश्रय लिएर बसेकी २५ वर्षीया महिलाको छोरा आठ महिनाको एरित ओलीलाई घिसिङले पछारेर हत्या गरेको जिल्ला प्रहरी कार्यालय झापाले जनाएको छ।

पछार्दा तत्काल बेहोस भएका ती बालकको दमक अस्पताल हुँदै किओच बाल अस्पताल दमकमा उपचारको क्रममा मृत्यु भएको हो।

बालककी आमालाई समेत आवश्यक अनुसन्धान तथा सोधपुछका लागि नियन्त्रणमा लिइएको प्रहरीले जनाएको छ।

घटनाबारे प्रहरीले थप अनुसन्धान गरिरहेको बताइएको छ।

सम्बन्धित समाचार

प्रहरीलाई छुरा प्रहार गरि फरार युवक पक्राउ

रौतहटमा चिनी उद्योगीले कुटे पत्रकार

श्रीमती र छोराको हत्या अभियोगमा प्रहरी जवान पक्राउ

५३ तोला चाँदीसहित २ जना पक्राउ