सन्दीप र करणले लिए चार/चार विकेट

असोज २० काठमाण्डौ
पाँच देशीय टी–ट्वान्टी अन्तर्राष्ट्रिय क्रिकेट सिरिज अन्तर्गत नेपाललाई दोस्रो खेलमा नेदरल्याण्डले १३४ रनको चुनौति दिएको छ । पहिले व्याटिङ गरेको नेदरल्याण्डले निर्धारीत १९.३ ओभरमा अलआउट हुँदै १३३ रन बनाएको हो । नेपालको तर्फबाट सबैभन्दा बढी सन्दीप लामिछाने र करण केसीले समान ४/४ विकेट लिएका छन् । संदीपले चार ओभरमा मात्र २० रन दिए भने करणले ३.३ ओभरमा १७ रन दिएर चार विकेट लिएका हुन् । यस बाहेक ललित राजवंक्षीले १ विकेट लिएका छन् । पहिलो खेलमा नेपालले हङकङलाई ४ विकेटले हराएको थियो । यस सिरिजमा नेपाल २ अंक जोड्दै तालिकाको दोस्रो स्थानमा रहेको छ । नेदरल्याण्ड आफ्नो पहिलो खेलमा आयरल्याण्डसँग ६ विकेटले पराजित भएको थियो । यस्तै नेपालले आयरल्याण्डसँग असोज २२ र अन्तिम खेलमा नेपालले ओमानसँग असोज २३ गते खेल्ने भएको छ । यसअघि नेदरल्यान्डसँग भएका ५ खेलमध्ये नेपालले ३ खेलमा पराजय बहोरेको छ भने एउटामा जीत हासिल गरेको छ। एउटा खेल रद्ध भएको थियो । ओमान क्रिकेटले आयोजना गरेको सिरिजमा नेपाल, आयोजक ओमान, हङकङ, नेदरल्याण्ड र टेष्ट राष्ट्र आयरल्याण्ड रहेका छन् ।

सम्बन्धित समाचार

पिएसजीलाई हराउँदै म्यानचेष्टर सिटी समूह विजेता

भिल्लारियलविरुद्ध म्यानचेस्टर युनाइटेड विजयी

आइसिसि महिला टी–२० विश्वकप : भुटानविरुद्ध नेपालको शानदार जित

कतारलाई ३ वटै खेलमा पराजित गर्दै नेपाली महिला क्रिकेट टिमले…