काठमाडौं। नेपाली कांग्रेसको १५औँ महाधिवेशनमा युरोपबाट केन्द्रीय सदस्य पदका लागि नेपाली जनसम्पर्क समिति आयरल्यान्डका सभापति अंकित वलीले उम्मेदवारी दिने तयारी गरेका छन्।
नेपाली कांग्रेसको १५औँ महाधिवेशनको उद्घाटन असोज १८ गते काठमाडौंको खुलामञ्चमा हुने तय भएको छ। पार्टीको आधिकारिक सूचनाअनुसार उद्घाटन समारोह दिउँसो २ बजे आयोजना हुनेछ। महाधिवेशनको पूर्वसन्ध्यामा कांग्रेसभित्र नेतृत्व, संगठनको पुनर्संरचना, युवा सहभागिता, वैचारिक पुनर्जागरण तथा बदलिँदो समयअनुकूल पार्टीलाई अघि बढाउने विषयमा बहस तीव्र बनेको छ।
वलीले प्रवासमा रहेका नेपालीलाई केवल रेमिट्यान्स पठाउने समुदायका रूपमा मात्र हेर्ने दृष्टिकोणभन्दा माथि उठेर उनीहरूसँग रहेको ज्ञान, सीप, प्रविधि, लगानी, अन्तर्राष्ट्रिय अनुभव, सम्बन्ध र सामाजिक पूँजीलाई नेपालको विकाससँग जोड्नुपर्ने धारणा अघि सारेका छन्।
यही परिवेशमा वलीले युरोप तथा विश्वभर रहेका नेपाली समुदायको अनुभव, आवश्यकता र सम्भावनालाई नेपाली कांग्रेसको नीति निर्माण तथा नेपालको विकाससँग थप संस्थागत रूपमा जोड्ने विषयलाई आफ्नो उम्मेदवारीको प्रमुख आधारका रूपमा अघि सारेका छन्।
नेपाल विद्यार्थी संघको इकाई सभापतिबाट राजनीतिक यात्रा सुरु गरेका वलीले नेपालमा विद्यार्थी राजनीति, सामाजिक तथा वैचारिक अभियानमा सक्रिय भूमिका निर्वाह गरेका थिए। सन् २०१७ मा आयरल्यान्ड पुगेपछि उनी नेपाली समुदायसँग निरन्तर जोडिँदै विभिन्न सामाजिक तथा सामुदायिक गतिविधिमा सक्रिय रहँदै आएका छन्। पछिल्लो समय उनले नेपाली जनसम्पर्क समिति आयरल्यान्डको सभापतिको जिम्मेवारी सम्हाल्दै संगठन तथा समुदायबीचको सहकार्यमा काम गर्दै आएका छन्।
उनका अनुसार, “बी.पी.को विचारलाई समयसँग जोड्ने, कांग्रेसलाई पुस्तासँग जोड्ने, डायस्पोरालाई मातृभूमिसँग जोड्ने र राजनीतिलाई जनजीवनसँग जोड्ने” उनको राजनीतिक यात्राको मूल उद्देश्य हो।
वलीले प्रवासमा रहेका नेपालीलाई केवल रेमिट्यान्स पठाउने समुदायका रूपमा मात्र हेर्ने दृष्टिकोणभन्दा माथि उठेर उनीहरूसँग रहेको ज्ञान, सीप, प्रविधि, लगानी, अन्तर्राष्ट्रिय अनुभव, सम्बन्ध र सामाजिक पूँजीलाई नेपालको विकाससँग जोड्नुपर्ने धारणा अघि सारेका छन्।
उनको प्रस्तावित अवधारणामा विश्वभर रहेका नेपाली समुदाय, नेपाली जनसम्पर्क समितिहरू, व्यवसायी, युवा, महिला, बुद्धिजीवी, पेशाकर्मी तथा सामाजिक अभियन्ताबीच सहकार्य गर्दै दीर्घकालीन राष्ट्रिय अभियान निर्माण गर्ने विषय समेटिएको छ। यसै सन्दर्भमा उनले “Diaspora for Nepal” जस्तो अभियानको अवधारणा अघि सारेका छन्।
वलीको राजनीतिक दृष्टिकोणमा नेपाली कांग्रेसको ऐतिहासिक वैचारिक आधारलाई समकालीन आवश्यकता र नयाँ पुस्ताको आकांक्षासँग जोड्ने विषय पनि प्रमुख देखिन्छ। नेपाली कांग्रेसले राष्ट्रियता, लोकतन्त्र र समाजवादलाई आफ्नो ऐतिहासिक वैचारिक आधारका रूपमा अघि बढाउँदै आएको छ। बी.पी. कोइरालाको समाजवादी विचारलाई वर्तमान समय र सन्दर्भअनुकूल कसरी अघि बढाउने भन्ने विषयमा पनि कांग्रेसभित्र बहस हुँदै आएको छ।
त्यसैगरी, १५औँ महाधिवेशनको प्रतिनिधि छनोट प्रक्रियामा युवा पुस्ताको सहभागिताले पनि चर्चा पाएको छ। युवा सहभागिता, पुस्तान्तरण र नयाँ नेतृत्वको विषयलाई कांग्रेसको आगामी राजनीतिक यात्रासँग जोडेर विभिन्न कोणबाट बहस भइरहेको छ।
वलीले बदलिँदो राजनीतिक परिवेशमा कांग्रेसले आफ्नो ऐतिहासिक विचार र योगदानलाई कायम राख्दै नयाँ पुस्ता, प्रविधि, रोजगारी, उद्यमशीलता, प्रवास तथा विश्वव्यापी नेपाली समुदायको बदलिँदो भूमिकालाई नीतिगत रूपमा सम्बोधन गर्नुपर्ने धारणा राखेका छन्।
केन्द्रीय सदस्यमा निर्वाचित भएमा प्रवासमा रहेका नेपालीका सरोकारलाई पार्टीको नीति निर्माण प्रक्रियासँग जोड्ने, डायस्पोराको ज्ञान, सीप तथा पूँजीलाई नेपालको विकासमा परिचालन गर्ने, युवा पुस्ताको सहभागिता बढाउने तथा सुशासन, लोकतन्त्र र सामाजिक न्यायका विषयलाई प्राथमिकताका साथ उठाउने उनको तयारी छ।
वली आफ्नो उम्मेदवारीलाई व्यक्तिगत राजनीतिक महत्वाकांक्षाभन्दा लामो राजनीतिक तथा सामाजिक यात्राबाट प्राप्त अनुभवलाई पार्टी, प्रवासी नेपाली समुदाय र नेपालको हितमा उपयोग गर्ने अवसरका रूपमा व्याख्या गर्छन्।
उनका अनुसार, “बी.पी.को विचारलाई समयसँग जोड्ने, कांग्रेसलाई पुस्तासँग जोड्ने, डायस्पोरालाई मातृभूमिसँग जोड्ने र राजनीतिलाई जनजीवनसँग जोड्ने” उनको राजनीतिक यात्राको मूल उद्देश्य हो।
यसैबीच, वलीले आफ्नो उम्मेदवारीसँग जोडिएको विस्तृत प्रतिबद्धता पनि सार्वजनिक गरेका छन्।
वलीको प्रतिबद्धता
मेरो संकल्प:
मेरो राजनीतिक यात्रा पद प्राप्तिका लागि मात्र होइन, समाज र पुस्ताको भविष्य निर्माणका लागि हो।
नेपाल विद्यार्थी संघको इकाई सभापतिबाट सुरु भएको राजनीतिक यात्रा, नेपालमा विभिन्न सामाजिक तथा वैचारिक अभियानमा गरेको सक्रियता र सन् २०१७ देखि आयरल्यान्डमा नेपाली समुदायसँग जोडिएर प्राप्त गरेको सामाजिक तथा राजनीतिक अनुभवलाई अब अझ व्यापक जिम्मेवारीमा उपयोग गर्ने मेरो संकल्प हो।
बी.पी.को विचारलाई समयसँग जोड्ने,
कांग्रेसलाई पुस्तासँग जोड्ने,
डायस्पोरालाई मातृभूमिसँग जोड्ने,
र राजनीतिलाई जनजीवनसँग जोड्ने।
१. डायस्पोरालाई राष्ट्रिय शक्तिका रूपमा जोड्ने
विदेशमा रहेका नेपालीसँग केवल आर्थिक सहयोग माग्ने होइन, उनीहरूसँग रहेको ज्ञान, सीप, प्रविधि, लगानी, अन्तर्राष्ट्रिय सम्बन्ध, अनुभव र सामाजिक पूँजीलाई नेपालको विकासमा संगठित रूपमा परिचालन गर्न पहल गर्नेछु।
२. “Diaspora for Nepal” अभियान
नेपाली कांग्रेस, नेपाली जनसम्पर्क समितिहरू, गैरआवासीय नेपाली समुदाय, व्यवसायी, युवा, महिला, बुद्धिजीवी, पेशाकर्मी तथा सामाजिक अभियन्तालाई साझा उद्देश्यमा जोड्दै “Diaspora for Nepal” जस्तो दीर्घकालीन राष्ट्रिय अभियान निर्माणका लागि पहल गर्नेछु।
३. युवा र नयाँ पुस्ताको सहभागिता
युवालाई केवल संगठनका कार्यकर्ता वा निर्वाचनका समयमा परिचालन हुने शक्तिका रूपमा होइन, नीति निर्माण र नेतृत्व प्रक्रियाका सक्रिय साझेदारका रूपमा स्थापित गर्न पहल गर्नेछु।
नयाँ पुस्ताको विचार, प्रविधि, उद्यमशीलता र विश्व अनुभवलाई कांग्रेसको संगठन तथा नीतिसँग जोड्ने प्रयास गर्नेछु।
४. बी.पी.को विचारलाई समयसँग जोड्ने
बी.पी. कोइरालाले अघि सारेको राष्ट्रियता, लोकतन्त्र र समाजवाद नेपाली कांग्रेसको ऐतिहासिक वैचारिक आधार हो। त्यसको मूल मर्मलाई कायम राख्दै वर्तमान पुस्ताका आवश्यकता र चुनौतीसँग जोड्न योगदान गर्नेछु।
५. लोकतन्त्र र सुशासनलाई प्राथमिकता
लोकतन्त्रलाई केवल निर्वाचनमा सीमित नराखी जनजीवन, जवाफदेहिता, पारदर्शिता र सुशासनसँग जोड्ने विषयलाई प्राथमिकताका साथ उठाउनेछु।
६. सामाजिक न्याय र समान अवसर
शिक्षा, रोजगारी, उद्यमशीलता तथा राज्यका अवसरमा समान पहुँचको विषयलाई प्राथमिकतामा राख्दै सामाजिक न्याय र अवसरको समानताका लागि आवाज उठाउनेछु।
७. ज्ञान, सीप, प्रविधि र लगानीको परिचालन
प्रवासमा रहेका नेपालीको ज्ञान, सीप, प्रविधि, पूँजी र अन्तर्राष्ट्रिय अनुभवलाई नेपालमा उद्यम, रोजगारी, प्रविधि हस्तान्तरण तथा आर्थिक विकाससँग जोड्ने संस्थागत पहलका लागि काम गर्नेछु।
८. विश्वभरका नेपाली समुदायसँग संस्थागत सम्बन्ध
नेपाली कांग्रेस र विश्वभर रहेका नेपाली समुदायबीचको सम्बन्धलाई थप संस्थागत, प्रभावकारी र परिणाममुखी बनाउन नेपाली जनसम्पर्क समितिहरूबीच सहकार्य तथा समन्वय विस्तार गर्नेछु।
९. समावेशी र पुस्तान्तरणमुखी कांग्रेस
युवा, महिला, व्यवसायी, पेशाकर्मी, बुद्धिजीवी, सामाजिक अभियन्ता तथा नयाँ पुस्तालाई कांग्रेसको नीति निर्माण र नेतृत्व प्रक्रियामा थप प्रभावकारी रूपमा सहभागी गराउन पहल गर्नेछु।
विश्वको जुनसुकै कुनामा रहे पनि नेपाली नेपाली नै हुन्। उनीहरूको ज्ञान, सीप, श्रम, पूँजी र अनुभव नेपालको समृद्धिको शक्ति बन्न सक्छ।
त्यसैले मेरो प्रतिबद्धता स्पष्ट छ।
“जहाँ नेपाली, त्यहाँ नेपालको शक्ति;
जहाँ ज्ञान र सीप, त्यहाँ राष्ट्र निर्माणको सम्भावना।”
बदलिँदो समयसँगै बदलिँदो कांग्रेस,
बलियो लोकतन्त्रसँगै समुन्नत नेपाल।
जय नेपाल!
क्याटेगोरी : ग्लोबल, राजनीतिट्याग : #Breakig,
#breaking,
#Congress,
#hot
