विमा समितिको अन्तरक्रिया कार्यक्रम सम्पन्न

जनकपुर – जीवन विमाप्रति मानिसको जागरुकता बढिरहे पनि सिमित मानिसले मात्रै विमा लाभ लिइरहेको सरोकारवालाले बताएका छन् । शनिबार जनकपुरमा आयोजित एक कार्यक्रममा वक्ताहरुले अझै पनि गाउँ घरसम्म जीवन विमाबारे अधिकांशलाई जानकारी नै नभएकै कारणले विमा गराउन सेवाग्राही हिच्किने गरेको बताएका हुन् ।

विमा नियमनकारी नियकाद्वारा आयोजित स्थानीय तहसँग विमा समिति अन्तरक्रिया कार्यक्रममा जनकपुरधाम उपमहानगरपालिकाका मेयर लालकिशोर  साहले जीवन विमाबारे प्रचार–प्रसाको कमी र जनचेतनाको अभावमा कृषि विमाको महत्व नै कसैले नबुझेको बताए ।

त्यस्तै जनकपुरधाम उपमहानगरपालिका उपमेयर रिता झाले जीवन विमा जीवनकै लागि महत्वपूर्ण रहेको बताइन् । उनले जीवन विमाले परिवारका लागि धेरै नै उपयोगी भएको बताइन् ।

त्यस्तै विमा समितिका अध्यक्ष चिरिञ्जिवी चापागाईले प्रदेश नम्बर २ कृषि क्षेत्र रहेपनि यस प्रति सरोकारवालाले वास्ता नगर्दा आर्थिक समृद्धिको बाटोतर्फ अग्रसर हुन कठिनाई भएको बताए ।

उनले समाजमा विमाबारे यथेष्ट कार्यक्रम तथा जनचेतनाको फलस्वरुप आम मानिसमा विमाबारे बुझेपनि यसको उपयोग र उपयोगीबारे अझै पनि अग्रसर हुन नसकेको प्रष्ट्याए । यस अन्तरक्रिया कार्यक्रममा ३ दर्जन भन्दा बढि जनकपुरमा सक्रिय विमा कम्पनीका प्रतिनिधिसहित ५ सयभन्दा बढी प्रतिनिधि तथा अभिकर्ताहरुको सहभागिता थियो ।

सम्बन्धित समाचार

लकडाउन अपडेट: जनकपुर क्षेत्रमा भएको प्रभाव (फोटो फिचर)

झापाको बिर्तामोडमा बहुसांस्कृतिक पर्यटन महोत्सव हुने

गोली हानी एक युवकको हत्या, अभियुक्त पक्राउ