यूएइमा कोरोनाबाट ८१४ जना संक्रमित, आज थप १५० जना संक्रमित पुष्टि

सुर्य बहादुर खवास चैत्र २०, २०७६ गते १:४५ मा प्रकाशित

युएई – युएइमामा विश्व महामारीको रुपमा रहेको कोरोना भाईरस (कोभिड-१९) आज १५० जना नयाँ संक्रमित भेटिएको पुष्टि भएको युएइ सरकारको आधिकारिक ट्विटमार्फत जानकारी दिएको छ ।

यो संगै युएईमा भाइरस संक्रमितको संख्या ८ सय १४ पुगेको छ । त्यस्तै अहिले सम्म ६१ जना निको भएर घर फर्केका छन् । यसैगरी आज २ जनाको मृत्यु सँगै कोरोनाको संक्रमणबट मृत्यु हुनेको संख्या ६ पुगेको छ ।

युएई सरकारले गत बिहीवारबाट घोषणा गरेको देश भर सार्वजनिक सार्वजनिक सवारी साधन, सार्वजनिक स्थान तथा सडकहरू कीटाणुरहित गर्न राष्ट्रिय कार्यक्रमलाई निरन्तरता दिदै आएको छ ।

हरेक दिन राती ८ बजे देखि बिहान ६ बजे सम्म संचालन हुने यो अभियान आगामी आईतवार बिहान ६ बजे सम्म संचालन हुनेछ ।

उक्त राष्ट्रव्यापी अभियानको समयमा अत्यावश्यक काम बाहेक हिंडडुल गर्न तथा सार्वजनिक यातायात बन्द हुनेछ ।

बिहान ६ बजे देखि बेलुकी ८ बजे सम्म को समयमा हिंडडुल गर्न तथा नियमित कार्य गर्न कुनै बन्देज रहेको छैन ।

क्याटेगोरी : गल्फ
ट्याग : #breaking