तीन डलर वोकेर कार किन्न आफैं गाडी चलाएर क्यालिफोर्निया गइरहेका पाँच वर्षीय बालक पक्राउ

एजेन्सी – कतिपय मानिसका सानो छोराछोरीले कार सिकाइ दिन अभिभावकसंग जिद्धी गर्न सक्छन् । कतिपय अभिभावकलाई पनि सानै उमेरमा आफ्ना छोराछोरीलाई कार चलाउन सिकाउन मन लाग्दो हो । तर सानैमा छोरालाई कार चलाउन सिकाइदिने अभिाभावकलाई युटामा झण्झट आइलागेको छ ।

अभिभावकको एसयुभी कार लिएर क्यालिफोर्नियातर्फ जांदै गर्दा युटा पुलिसले एक पांच वर्षीय वालकलाई पक्राउ गरेको छ जो गोजीमा तीन डलर वोकेर न्यूनतम २ लाख रुपिंया पर्ने ल्याम्वोर्गीनी कार किन्ने उदेश्यले क्यालिफोर्नियातर्फ गइरहेका थिए । ती वालकले आफ्नो आमासंग ल्याम्वोर्गीनी कार किनीदिन माग गरेका थिए तर आमाले अस्वीकार गरेपछि आफै कार लिएर निस्किएका थिए ।

युटा हाइवे पेट्रोलले सडकमा गाडी दांयावांया गर्दै गुडेको देखेपछि अपांगता भएको व्यक्तिले चलाएको हो कि भनेर जांच गर्न रोकेको थियो तर जव चालक सिटमा पांच वर्षीय वालकलाई देख्यो र परिस्थिति वुझ्यो, प्रहरी पनि छक्क परेको थियो । प्रहरीले यो घटनालाई ट्वीटरमार्फत सार्वजनिक गरेको छ ।

प्रहरीले वालकको पहुंचमा पुग्ने गरी कारको चावी छाडेको र आफु घरभन्दा टाढा भएको वेला वालकलाई आफ्नो दाजुको हेरचारमा छाडेकोमा अभिभावकलाई कस्तो कारवाही गर्ने भन्ने निर्णय स्थानीय अधिकारीले गर्नेछन् ।

(स्रोत : सीएनएन)

सम्बन्धित समाचार

क्यालिफोर्निया गाडीहरु एक आपसमा ठोकिदा १५ जनाको मृत्यु

नेपाली पुत्र प्रबल गुरुङको डिजाइनमा सजिईन अमेरिकी उप-राष्ट्रपति कमला ह्यारिस

ट्रम्पका दाहिने हात महान्यायाधिवक्ता बारले दिए राजिनामा

बाइडेनले ३०२ निर्वाचकिय मत प्राप्त गर्दै बने आधिकारिक राष्ट्रपति, जनवरी…