काठमाडौँ
दक्षिण अफ्रीकामा देखा परेको ओमिक्रोन प्रजातिको कोरोना अमेरिकाको कम्तिमा १६ वटा राज्यहरुमा देखा परेको छ ।
अमेरिकामा सबै भन्दा पहिले क्यालिफोर्नियामा देखा परेको थियो भने हाल न्यूजर्सी,जर्जिया,युटह,कोलोराडो,मिजौरी,पेनसेलभेनिया,मेरिल्याण्ड,नेब्रास्का ,हवाई ,न्यू योर्क ,मीनेसोटा ,म्यासाचुसेट्स लगायत राज्यहरुमा कुल ३२ वटा देखिएका छन् ।
अमेरिकामा एकै दिनमा औसतमा कोभिड-१९ बाट संक्रमण हुनेको संख्यामा १ लाख नाघेको छ । जुन दुई महिनामा सर्वाधिक उच्च हो ।
दुई महिनामा पहिलो पटक लाखौं अमेरिकीहरूले धन्यबाद दिवस(थ्यांक्सगिभिङ )को बिदामा यात्रा गरेको केही समयपछि अमेरिकामा हरेक दिन औसतमा १ लाख भन्दा ज्यादा कोरोना संक्रमित भएका छन् ।
जोन्स हप्किन्स युनिभर्सिटी (बिश्वबिद्यालय) को तथ्याङ्क अनुसार गत शनिबारसम्म नयाँ संक्रमितहरूको सात-दिनको औसत १ लाख २१ हजार ४ सय ३७ रहेको छ ।
साथै कोभिड-१९ बाट मृत्यु हुनेको संख्या पनि बढ्दै गएको छ । अमेरिकाको ७ दिनको औसतमा शनिबार सम्म प्रत्येक दिन १,६५१ व्यक्ति कोरोना भाइरसबाट मृत्यु भएको जोन्स हप्किन्स युनिभर्सिटी (बिश्वबिद्यालय) को तथ्याङ्कले देखाएको छ भनि सिएनएनले समाचार लेखेको छ ।
अमेरिकामा धेरै जसो नयाँ संक्रमित मामलाहरू डेल्टा भेरियन्ट(प्रजाति)नै रहेको छ । तर अमेरिकी स्वास्थ्य अधिकारीहरूले गत शनिबारसम्म कम्तिमा १६ राज्यहरूमा नयाँ ओमिक्रोन कोरोनाभाइरस भेरियन्ट (प्रजाति)पत्ता लगाएका छन्।
क्याटेगोरी : अमेरिका
