पुनरागमन प्रयासमा इंग्ल्याण्ड, पाकिस्तान अझै २४४ रनले अघि

काठमाडौं – दोस्रो इनिङ्समा उत्कृष्ट बलिङ गर्दै इंग्ल्याण्डले पुनरागमन गर्ने प्रयास गरिरहँदा पाकिस्तानले अझै २४४ रनको अग्रता बनाएको छ ।

म्यानचेष्टरमा भइरहेको पहिलो टेष्टमा तेस्रो दिनको खेल सकिँदा पाकिस्तानले दोस्रो इनिङ्समा ८ विकेट गुमाएर १३७ रन जोडेको छ र घरेलु टोली इंग्ल्याण्डविरुद्ध २४४ रनको अग्रता बनाएको छ ।

पहिलो इनिङ्समा पाकिस्तानले ३२६ रन बनाएको थियो । दोस्रो इनिङ्समा भने इंग्लिस बलरले उत्कृष्ट बलिङ गर्दै खेलमा पुनरागमन गर्ने प्रयास गरेको छ । पहिलो इनिङ्समा इंग्ल्याण्ड २१९ रनमै अलआउट हुँदा पाकिस्तानले १०७ रनको अग्रता लिएको थियो ।

तेस्रो दिन समाप्तीपछि पाकिस्तानले २४४ रनको अग्रता लिएको छ । घरेलु टिम इङ्ल्यान्डले ९२-४ को स्थितिबाट तेस्रो दिनको खेल अघि बढाएको थियो । दिनको खेल अघि बढाएका ओले पोप ६२ र जोस बटलर ३८ रन बनाएर आउट भए ।

इंग्ल्याण्डले १२७ रन थप्दा बाँकी ६ विकेट गुमायो । पाकिस्तानका यासिर शाहले चार विकेट लिए । मोहम्मद अब्बास र शदाब खानले दुई-दुई विकेट लिए ।

दोस्रो इनिङ्समा कमजोर ब्याटिङ गरेको पाकिस्तानका कुनै पनि खेलाडीले ३० रनको आँकडा पार गर्न सकेका छैनन् । असद सफिकले २९, मोहम्मद रिजवानले २७, अविद अलीले २०, कप्तान अजर अलीले १८ र शदाब खानले १५ रन बनाए ।

इंग्ल्याण्डका लागि स्टुवार्ट ब्रोड, क्रिस वोक्स र वेन स्टोक्सले दुई दुई विकेट लिए ।

सम्बन्धित समाचार

नेपालले आयरल्यान्ड ‘ए’लाई दियो १९९ रनको लक्ष्य

आयरल्यान्ड ‘ए’ विरुद्ध पहिले ब्याटिङ गर्दै नेपाल

लिग-२ : नेपाल र नेदरल्याण्डसबीच भिडन्त

क्यानडाविरुद्ध नेपालले पहिला बलिङ गर्दै, आकाश चन्दको डेभ्यु