इरानमा हिरासतमा रहेकी २२ वर्षीया युवतीको मृत्यु भएपछि बिरोध प्रदर्शनमा ५ जना सुरक्षाकर्मी सहित कम्तीमा ३५ जनाको मृत्यु

इरानमा हिरासतमा रहेकी २२ वर्षीया महसा अमिनीको गत हप्ता मृत्यु भएपछि चौतर्फी बिरोध प्रदर्शनमा सुरक्षा बलसँग झडप हुँदा कम्तीमा ३५ जनाको मृत्यु भएको इरानी सरकारी संचार माध्यमले जनाएको छ । दैनिक व्यापक बिरोध हुनुको साथै विभिन्न स्थानमा झडपहरु भएका छन् ।

तर भारतीय एनडिटिभीले ५० जना को मृत्यु भएको ओस्लो-आधारित संगठन इरान मानव अधिकार जनाएको उल्लेख गरेको छ ।

एनडिटिभीका अनुसार जसमा पाँच सुरक्षाकर्मीहरू समेतको ज्यान गएको बताएको छ । संयुक्त राष्ट्रसंघले छानबिन गर्न आह्वान गरेको छ ।

विभिन्न स्थलमा आगजनी भएका छन् भने इरानले अन्तर्जाल (इन्टरनेट)मा प्रतिबन्ध लगाएको छ र संयुक्त राष्ट्रसंघले छानबिन गर्न आह्वान गरेको छ ।

युवतीको मृत्युलाई लिएर करिब एक हप्ता सम्म भएको विरोधी प्रदर्शन र अशान्तिम हुँदा ३५ जनाको मृत्यु भै सकेको छ । साथै सरकार समर्थक प्रदर्शनकारीहरूले इरानको झण्डा फहराउदै अमेरिका र इजरायल विरुद्ध नारा लगाएका थिए।

तेहरानमा पक्राउ परेकी अमिनीले हिजाब राम्रोसँग नलगाएको कारणले “पुनः शिक्षा केन्द्र” मा लगिएको थियो।

शुक्रबारदेखि राजधानी तेहरानलगायत देशका कम्तीमा ४० शहरमा प्रदर्शनकारीहरूले महिलामाथि हुने हिंसा र भेदभावको अन्त्यका साथै अनिवार्य हिजाब लगाउने अन्त्यको माग गर्दै प्रदर्शनहरू भएका छन्।

अधिकारीहरूले अन्तर्जाल(इन्टरनेट)मा प्रतिबन्ध लगाएर उनीहरूले विरोधलाई नियन्त्रणमा ल्याउन सक्ने आशा गरेका छन् ।

इरानका सञ्चार मन्त्री अहमद वाहिदीले “दंगा अन्त्य नभएसम्म अन्तर्जालमा सीमितता रहने बताए । सामाजिक सञ्जाल मार्फत दंगा सङ्गठनलाई रोक्नको लागि, हामी अन्तर्जाल सीमितताहरू सिर्जना गर्न बाध्य छौं उनले भने ।

सम्बन्धित समाचार

आठ देशका लागि राजदूत नियुक्ति सिफारिस, कुन देशमा कसलाई गरियो…

सुँगुरको मिर्गौला प्रत्यारोपण गरिएका रिचर्डको निधन

कंगनालाई दियो भाजपाले लोकसभा चुनावको टिकट

दिल्लीका मुख्यमन्त्री अरविन्द केजरीवाल पक्राउ