जेष्ठ नागरिकले पाए फाइबरको सिरक

प्रिया स्मृती गजमेर पुस १५, २०७६ गते १९:०३ मा प्रकाशित

दाङ, लमही नगरपालिका वडा न ९ स्यालेका मान बहादुर कुमाल अहिले ९३ बर्षका भए । वडा कार्यालयले जेष्ठ नागरिकलाई फाइबर सिरक दिने खबर सुनेर कुमाल खुसिले गदगद भएका छन ।

उनी जस्तै थुप्रै जेष्ठ नागरिक न्यानो सिरक पाएपछी निकै खुशी भएका छन । लमही नगरपालिका वडा न ९ ले वडाक जेष्ठ नागरिकहरुलाई फाइबर सिरक बितरण गरेको छ । वडाले आफुहरुको समस्यालाई बुझेर सिरक प्रदान गरेको भन्दै खुशी भएका छन ।

लक्षित बर्ग अन्तर्गत दुई लाख बजेटबाट वडाका ९२ जना जेष्ठ नागरिकलाई बितरण गरेको हो । जिबनको अन्तिम घडिमा रहेका जेष्ठ आमबुवाका लागि यस प्रकारको कार्यले सम्मान हुने र जाडोमा पनि उनिहरुलाई न्यानो हुने भएकोले सिरक बाडिएको वडाध्यक्ष भेष बहादुर केसीले बताए ।

कार्यक्रममा लमही नगरपालिकाका उपप्रमुख देबका बेल्बासेले राज्यले जेष्ठ नागरिकको हैसियतमा राखेर उच्च सम्मन गरिने बताईन । कार्यक्रममा प्राथमिक बिद्यालय भ्युसनपुरका प्रधानाध्यापक ओम प्रकाश बस्नेत,वडा सदस्य खीम बहादुर योगी लगायतले बोलेका थिए ।

वडाले ६० बर्ष देखि माथिका दलित समुदायका जेष्ठ नागरिक,अन्य समुदायका ७० बर्ष देखि माथी र ७० बर्ष देखि माथिका एकल महिलालाई फाइबर सिरक प्रदान गरिएको हो । वडा सचिव बिन्तीराम चौधरीको स्वागत मन्तव्य बाट सुरु भएको कार्यक्रमको सन्चालन प्रिया स्मृती गजमेरले गरेका थिए ।

क्याटेगोरी : प्रदेश ५
ट्याग : #breaking