दाङ्गको कोइलाबास नाकाबाट गोरु तस्कर गर्दै भारतीय नागरिक

दाङ्ग, आईतवार बिहान करिब १ बजेको समयमा ईलाका प्रहरी कार्यालय गढ़वाका इन्सपेक्टर भरतसिंह राठौरको नेतृत्वमा गएको प्रहरी टोलीले दाङ्गको गढवा गाउँपालिका वडा नम्बर ५ मुसिधार गाउँबाट ५४ वटा गोरु सहित दुई जना भारतीय गोरु तस्करलाई नियन्त्रणमा लिएको हो ।

कुन उद्देश्यले ति गोरु नेपाल ल्याएका हुन् केहि खुल्न नसकेको इन्सपेक्टर राठौरले बताए । प्रहरीले नियन्त्रणमा ल्याएका गोरु तस्कर र गोरुलाई नेपालगंज भन्सार कार्यालयमा आईतवारै बुझाईसकेको छ । पक्राउ पर्नेमा भारतको बलरामपुर जिल्ला थाना जरूवा मकवानपुर पंचायत घर भएका वर्ष २७ का मोहम्मद अनिस सिद्दिकि र सोहि ठाउँ निवासी ५६ बर्षका जोगि मुसलमान रहेका छन ।

पछिल्लो समय दाङ्गको कोइलाबास नाकालाई गोरु तस्करहरुले जक्सनका रुपमा प्रयोग गर्दै आईरहेका छन् । दैनिक जसो भारतका बिभिन्न ठाउँबाट गोरुहरु संकलन गरेर नेपाल भित्र्याइने गरेको पाईएको हो । कोइलाबासका स्थानीयका अनुशार भारतीय तस्करहरुले भारतीय प्रहरी र नेपालका गोरु तस्करसंग मिलेर नेपाली भुमि प्रयोग गर्दै पुर्बी नेपाल लगेर फेरी अर्को मुलुकमा लग्ने गरेका छन् ।

तस्करहरुले आफुहरुको काम कसैले थाह नपाओस भनेर फरक फरक शैलीमा देउखुरीका धेरै जसो ठाउँबाट गोरुहरु संकलन गरिरहेका हुन्छन । भारतीय गोरु तस्करहरुले नेपाली भुमि प्रयोग गर्दा पनि नेपाल सरकार मुकदर्शक बनेर बसेको स्थानीयको आरोप छ । केहि समय अघि सम्म उनीहरुले ट्रकमा लोड गरेर दिउसै लैजादै गर्दा स्थानीयको अबरोध भएपछी रुट बदलेको जानकारहरु बताउछन ।

यता प्रहरी प्रशासन कानुनमा स्पष्ट नीति नहुँदा रोक्न नसकिएको बताउदै आएका छन् । एक जिल्लाबाट अर्को जिल्लामा लैजान सक्ने कानुनमा उल्लेख छ त्यसैले पनि रोक्न नसकिएको दाङ्गका प्रमुख जिल्ला अधिकारी गोबिन्द रिजालले बताए ।

सम्बन्धित समाचार

लुम्बिनी प्रदेश सरकारले ल्यायो ४० अर्ब ९५ करोडको बजेट

अक्सिजन अभावपछि फेसवुकमा माननीय खोजिदै

शंकर पोखरेलको नियति : भुईँको टिप्न खोज्दा पोल्टाको गुम्यो !

नेपाल बिद्यार्थी संघ लमहीको आयोजनामा रक्तदान कार्यक्रम