दाङ्ग, देउखुरी उधोग बाणिज्य संघ लमहीले कर शिक्षा तथा अन्तरक्रिया कार्यक्रम आज सोमवार लमहीमा सम्पन्न गरेको छ ।
संघका अध्यक्ष रत्न प्रसाद श्रेष्ठको अध्यक्षता तथा आन्तरिक राजस्व कार्यालय तुलसीपुर दाङका निमित्त कार्यालय प्रमुख लक्ष्मण श्रेष्ठको प्रमुख आतिथ्यमा कार्यक्रम सम्पन्न भएको हो ।
कार्यक्रममा सहभागी ब्यबसायीहरुले नया कर नीति , पर्सनल पान , मिस म्याच, आयकर , अन्त सुल्क, डंड जरिवाना , घर बहाल कर भिटीसिएस लगाएतका बिषयमा समस्या राखेका थिए ।
नयां आर्थिक कर नीतिको बारेमा कर अधिकृत भोज प्रसाद खनालले जानकारी गराएका थिए । उक्त कार्यक्रममा राप्ती उधोग बाणिज्य संघका अध्यक्ष जगत पोखरेल ,गढवा उधोग बाणिज्य संघका अध्यक्ष रबिलाल आचार्य लगायतको उपस्थिति रहेको थियो ।
देउखुरी उधोग बाणिज्य संघ लमहीले बेला बेलामा व्यवसायीको हक हितका लागी यस प्रकारका कार्यक्रम गर्दै आएको छ, जसले गर्दा उनीहरुलाई कर शिक्षाका बारेमा राम्रो ज्ञान भएको छ ।
धेरै ब्यबसायिहरु कार्यक्रममा सहभागी हुने गरेको र उनीहरुको ब्यापार ,ब्यबसायमा टेवा पुगोस भन्ने मनशायले यो कार्यक्रमको आयोजना गरेको युवा ब्यबसायी तथा देउखुरी उधोग बाणिज्य संघका महासचिव कमलजंग सिंह ठकुरीले बताए ।
देउखुरी उधोग बाणिज्य संघका उपाध्यक्ष बिनोद पाण्डेको स्वागत मन्तब्यबाट सुरु भएको कार्यक्रमको संचालन महासचिब कमलजंग सिह ठकुरीले गरेका थिए ।
क्याटेगोरी : प्रदेश ५
