घोराही १६ मा डाँगीलाई वडाध्यक्षको उम्मेद्वार बनाउने कांग्रेसको निर्णय

दीप संञ्चार कात्तिक १७, २०७६ गते १९:५३ मा प्रकाशित

दाङ, आगामी मंसिर १४ गते हुने उपनिर्वाचनका लागि नेपाली कांग्रेसले दाङले स्थानीय तह अन्तर्गत वडाको उम्मेदवारको टुंगो लगाएको छ ।

आगामी मंसिर १४ गते हुने उपनिर्वाचनका लागि नेपाली कांग्रेसले घोराही उपमहानगरपालिका वडा नं. १६ मा ताराबहादुर डाँगीलाई उम्मेद्वार बनाउने निर्णय गरेको हो ।

नेपाली कांग्रेस प्रतिनिधिसभा क्षेत्र नं. २ को पदाधिकारीको आज आइतवार घोराहीमा सम्पन्न भएको बैठकले वडा नं. १६ को अध्यक्ष पदमा पार्टीका क्रियाशिल सदस्य तथा तरुण दलका अध्यक्ष समेत रहेका डाँगीलाई उम्मेदवार बनाउने निर्णय गरेको हो ।

अध्यक्ष पदको निर्वाचनकालागि नेपाली कांग्रेसको संशोधित विधान २०१७ को परिच्छेद ८ को ३१ उल्लेख भए बमोजिम घोराही–१६ को अध्यक्ष पदमा तरुण दलका वडा अध्यक्ष समेत रहेका क्रियाशिल सदस्य डाँगीलाई उम्मेदवार चयन गरिएको बैठकपछि नेपाली काग्रेस क्षेत्र नं.२ का सभापति भुपबहादुर डाँगी र सचिव बद्रीकुमार खड्काद्धारा जारी गरिएको विज्ञप्तिमा उल्लेख गरिएको छ ।

क्याटेगोरी : प्रदेश ५