घाँटी थिचेर श्रीमतीको हत्या, अभियूक्त पक्राउ

दाङ, आफ्नै श्रीमती प्रीती कुमारी जैसवाललाई घाँटी थिचेर मारेका अभियूक्त प्रीतीका श्रीमान प्रदीप कुमार जैसवाललाई लमही प्रहरीले पक्राउ गरेको छ ।

२०७० असार २५ गते आफ्नै श्रीमती प्रीतीलाई घाँटी थिचेर मारेका अभियूक्त साबिकको चैलाही २ लमहीका प्रदीपलाई मंगलवार साझ ६ बजे लमही बजार बाट प्रहरीले पक्राउ गरेको हो ।

घरायसी बिबादका कारण श्रीमती सङ्ग झगडा हुँदा रिसको आबेगमा आएर जयसवालले प्रीतिको घाँटी थिचेर हत्या गरेको आरोप लागेको थियो । असार २५ गते हत्या गरेर घरको ढोकामा ताला लगाएर उनी फरार भएका थिए । घटना घटेको दुई दिन पछि प्रहरीले थाह पाएको थियो ।

प्रहरी पुग्ने बेला सम्म प्रदीप फरार भैसकेका थिए । प्रहरीको खोजिमा रहेका उनी करिब ४ महिना पछि पक्राउ परे तर १५ महिना पछि फेरि छुटे । हत्या गरेको दोषी ठहर गर्दै उच्च अदालत तुलसिपुर दाङले १८ बर्ष ८ महिना १९ दिनको कैद सजाय तोके पछि प्रदीप फरार भएका थिए ।

लुकिछिपी कहिले नेपाल कहिले भारत तिर बस्दै आएका उनलाई नेपाल आएको सुचना पाए लगत्तै वडा प्रहरी कार्यालय लमही बाट गएको प्रहरी टोलिले पक्राउ गरेको हो ।

दीप संन्चार मिडियासंग कुरा गर्दै वडा प्रहरी कार्यालय लमहीका प्रहरी निरीक्षक प्रज्वल थपलियाले प्रदीपलाई आजै जिल्ला अदालत पेश गरिने बताएका  छन्।

सम्बन्धित समाचार

लमही नगरपालिकाले रिहार धामका लागि बजेट नछुट्याउदा अध्यक्ष खत्रीको आपत्ति

छोराको शुल्क तिर्न मासिक ३ प्रतिशत ब्याजमा आमाको तिलहरी धितो

राष्ट्रिय बाणिज्य बैंक घोराही शाखाद्वारा ‘वित्तीय साक्षरता कार्यक्रम’ सञ्चालन

गुल्मीमा माछा मार्ने क्रममा करेन्ट लागेर एक जनाको मृत्यु