Techie IT
×
जम्मा संक्रमित (नेपाल)
निको भएको
मृत्यु
जम्मा संक्रमित (विश्व)
गृहपृष्ठप्रदेश खबरप्रदेश ५गाउमै स्वास्थ्य केन्द्र पाउदा स्थानीय खुशी

गाउमै स्वास्थ्य केन्द्र पाउदा स्थानीय खुशी


दाङ्ग, लमही नगरपालिका वडा नम्बर ६ मा नगर स्वास्थ्य केन्द्रको स्थापना गरिएको छ । गाउमै स्वास्थ्य केन्द्र उद्घाटन भएपछी स्थानीय खुशी भएका छन् । उक्त नगर स्वास्थ्य केन्द्रको आइतवार लमही नगरपालिकाका नगर प्रमुख कुलबहादुर केसीले एक कार्यक्रमका विच उद्घाटन गरेका हुन् ।

यो नगर स्वास्थ्य केन्द्र संचालन भए संगै सामान्य बिरामी हुंदा लमही बजार दौडिन पर्ने बाध्यता त्यहांका स्थानियलाई हट्ने भएको छ । वडा नम्बर ६ को मध्यनगरमा स्थापना भएको नगर स्वास्थ्य केन्द्रले वडाका तिन वटा गाउका स्थानीयलाई सेवा प्रबाह गर्ने छ । केन्द्रको उद्घाटन गर्दै नगर प्रमुख केसीले अब ज्वरो आएर कुनै पनि सर्बसाधारणले ज्यान गुमाउनु नपर्ने बताए । केसीले नगरवासीहरूलाई स्वास्थ्य सेवामा सहज पु¥याउने र नगरबासीलाई आफ्नै वडाबाट स्वास्थ्यको पहुँच पु¥याउने उद्घेश्य नगरपालिकाको भएको बताए । स्वास्थ्य कार्यक्रमलाई नै नगरपालिकाले प्राथमिकतामा राखेको नगर प्रमुख केसीले बताए ।
कार्यक्रममा लमही नगरपालिका वडा नम्बर ६ का वडाध्यक्ष गणेशमान चौधरीले आफ्नो वडामा नगर स्वास्थ्य केन्द्र संचालन गर्नका लागि आन्तरिक ढिलाई भए पनि अबका दिनमा स्थानीयको स्वास्थ्य उपचारमा कुनै कमि कमजोरी हुन नदिने बताए । नगर स्वास्थ्य केन्द्र हेर्दा सानो भए पनि स्वास्थ्य सेवाका लागि महत्वपुर्ण हुने विश्वास ब्यक्त गर्दै, निशुल्क रूपमा जनतालाई स्वास्थ्य सेवा पुराउन र नगर स्वास्थ्य केन्द्रबाट आम सर्बसाधारणले सहजताको अनुभूति हुने गरेर सेवा प्रदान गर्न स्वास्थ्यकर्मीलाई आग्रह गरेका छन् । वडामा आज आईतबार उद्घाटन गरिएको नगर स्वास्थ्य केन्द्रमा अ.हे.ब विष्णुमाया पौडेल, अनमी अर्चना श्रेष्ठ र कार्यालय सहयोगी रमा वली गरि तीन जना कर्मचारी रहने छन् ।
लमही नगरपालिका वडा नम्बर ६ का वडाध्यक्ष गणेशमान चौधरीको सभापतित्वमा एवं लमही नगरपालिका नगर प्रमुख कुलबहादुर केसीको प्रमुख आतिथ्य तथा लमही नगरपालिका प्रमुख प्रशासकीय अधिकृत गेहेन्द्रबहादुर डाँगी , वडासदस्य अनिता चौधरी, कृष्ण खत्री लगायतको उपस्थिति रहेको थियो । कार्यक्रमको सहजिकरण लमही नगरपालिका स्वास्थ्य शाखा प्रमुख नारायण आचार्यले गरेका थिए ।


क्याटेगोरी : प्रदेश ५


तपाईको प्रतिक्रिया दिनुहोस