दाङमा चक्कु हान्ने व्यक्ति प्रहरीको नियन्त्रणमा

प्रिया स्मृती गजमेर असोज ९, २०७६ गते २०:५६ मा प्रकाशित

दाङ, केहि बर्ष अघि देउखुरीमा एक युवालाई चक्कु प्रहार गरेर घाइते बनाउने एक युवालाई आज वडा प्रहरी कार्यालय लमहीले पक्राउ गरेको छ ।

पक्राउ पर्नेमा तुलसीपुर उपमहानगर पालिका १३ निवासी बर्ष २३ का सुरेन्द्र रोका रहेका छन् । फरार रहेका रोकाले २०७४ चैत्र १७ गते लमही नगरपालिका वडा नम्बर ७ कमानपुरका १९ बर्षिय सन्तोष परियारलाई चक्कु प्रहार गरेर घाइते बनाएका थिए ।

परियारलाई चक्कु प्रहार गरे लगत्तै रोका फरार रहेका थिए । आज पक्राउ परेका रोकाको साथ्बाट नाईट्राजिपाम नामको १२ वटा चक्की लागु औषध समेत बरामद भएको वडा प्रहरी कार्यालय लमहीका प्रहरी नायब निरीक्षक पुराण मल्लले बताएका छन् ।

क्याटेगोरी : प्रदेश ५