प्रेमलालको रहरलाग्दो प्रेमिल कृषि खेती

दाङ, लमही नगरपालिका वडा नम्बर ७ बनघुस्रीका प्रेमलाल चौधरीले २ कट्ठा जग्गामा गौरब ५ सय ५५ जातको टमाटर खेती गरेका छन ।

धेरै पहिले देखि विभिन्न जातका तरकारी खेती गर्दै आएका चौधरीले यो पटक भने अलि ब्यबस्थित तरिकाले गरेका छन । उनले आउदो तिहार सम्म टमाटर बिक्रीको लागि तयार हुने गरि खेती गरेका छन । बितेको सालमा अनुमानित ४० देखि ५० हजार सम्मको टमाटर बिक्री गरेको चौधरीले बताए ।

अब यो बर्ष पनि निकै मेहनत गरेर गरेको छु हेरौ कस्तो हुन्छ चौधरीले भने । यदि समयले साथ दियो भने एक बिरुवाले कम्तिमा पनि ५ किलो सम्म दाना दिने गर्दछ । सुरु सुरुमा घरमा खानको लागि गर्ने गर्दथे तर गरे पछि हुने रैछ भन्ने लाग्यो र सुरु गरेको चौधरीले बताए । तरकारी खेतीको लागि चाहिने मलको पनि आफैले ब्यबस्था गरेका छन । चौधरीले आफ्नै जग्गालाई भाडामा दिएर ब्रोइलर कुखुरा फार्म समेत चलाएका छन ।

जग्गाको भाडा त्यही कुखुराको मल लिने र तरकारीमा हाल्ने गरेको छु चौधरीले भने । धेरै मेहनत गर्नु पर्छ। कहिले किराले सताउछ कहिले असिना पानीले । टमाटरको बजार मूल्य सस्तो हुने भएकोले टमाटरको खेति गर्ने किसान मर्कामा पर्ने गरेको उनले बताए । त्यस्तै एक कट्ठा जग्गामा चौधरीले अकबरे जातको लोकल खुर्सानीको पनि खेती गरेका छन । बनघुस्री गाउ पुर्बपश्चिम राजमार्ग संगै जोडिएको कारण पनि त्यहा उत्पादन गरिएका तरकारी लमही बजार सम्म ल्याउन कुनै समस्या छैन । तरकारी तयार भए पछि प्रेमलाल आफैले मोटरसाइकलमा राखेर लमही बजार सम्म पुराउने गर्दछन । कम्तिमा पनि दुई सयको घरधुरी संख्या रहेको बनघुस्री गाउमा पानीको भने समस्या रहेको छ ।

दुई सय घरधुरी संख्याको लागि बनघुस्रीमा सिचाइका लागि एक वटा मात्र बोरिङ रहेको छ । खेतिपातीको समयमा यति धेरै किसानको खेतमा पानी बाड्दा बाड्दै पालो आउदैन जस्ले गर्दा खेतीपातीमा असर पर्ने गरेको वडा नम्बर ७ का स्थानिय केदार चौधरीले बताए ।

सम्बन्धित समाचार

अनेरास्ववियु क्रान्तिकारीको आयोजनामा रक्तदान

अन्तरपार्टी महिला संजाल दाङको अध्यक्षमा गुरूङ

प्रमुख प्रशासकीय अधिकृत डाँगीलाई भब्य स्वागत, रोकिएका कामकाज शुरु

अब फर्केर भारत जाने चाहाना छैन