तरकारी खेतीमा रमाउदै उर्मिला

दाङ, आधा आकाश ढाकेका महिलाहरु अबशर पाए गर्न सक्छन भन्ने एउटा गतिलो उदाहरण बनेकी छन् लमही नगर पालिका वडा नम्बर ६ मध्यनगर निवासी उर्मिला चौधरी ।

उनले अहिले २४ कट्ठा जग्गा भाडामा लिएर तरकारी खेति शुरु गरेकी छन् । मध्यनगरका एक स्थानियसंग उनीहरुले बार्षिक ४० हजार तिर्ने सहमतिमा उक्त जग्गा भाडामा लिएका हुन् । उर्मिलाले शुरु गरेको तरकारी खेति नजिक जाने हो भने जो कसैलाई पनि तरकारी खेति प्रति आकर्षित गराउने खालको छ । केहि दिन अघि मात्र उर्मिलाले ५३ किलो करेला बिक्रि गरेकी छन् ।

उनि आफैले उत्पादन गरेका तरकारी नजिकै रहेको लमही बजारमा होलसेलमा बिक्रि गर्ने गरेको बताईन । होलसेलमा बिक्रि गर्दा प्रति किलो ५० मा बेच्ने गरेको र घरमै आएर किन्नेहरुको लागि ६० मा बिक्रि गर्ने गरेको बताईन ।

उर्मिलाको बारीमा फलेका सबै तरकारी स्थानिय बजार र गाउ घरमै खपत हुने गर्दछ । अहिले उनले भाडामा लिएको जग्गामा लौका,करेला र टमाटर रोपेकी छन् । राप्ती पारीको बेला माइती घर भएकी उर्मिलाले माइतीमा बुवा आमाले पनि तरकारी खेति गर्ने गरेकोले त्यहि देखेर सिकेको बताईन । माइतीमा सिकेको सीपलाई अहिले उर्मिलाले ब्यबहारमा उतार्दै ब्यबसायिक तरकारी खेति सुरु गरेकी हुन् ।

आँट र हिम्मत भए जस्तो सुकै कठिन काम पनि गर्न सकिन्छ भन्ने गतिलो उदाहरण बनेकी छन् उर्मिला चौधरी । तरकारी खेति गर्दा धेरै जसो ठाँउमा किट नाशक औषधि प्रयोग गर्ने गरेको सुनेको छु तर मैले यहाँ अहिले सम्म छिटेको छैन उर्मिला भन्छिन । फल लाग्ने बेला हप्ताको एक पटक भिटामिन औषधि छिटने गरेको उनले बताईन । श्रीमानले नै तरकारी खेतीमा लाग्नका लागि प्रेरित गर्नु भएको हो,फुर्सदमा उहाँले पनि सघाउनु हुन्छ उर्मिलाले भनिन । अहिले तरकारी खेतिबाट राम्रै आम्दामी हुने गरेकोले घर खर्च चलाउन पनि सजिलो भएको छ ।

उनका श्रीमान् सुकदेव चौधरी लमही बजारको एक हार्डवयर पसलमा काम गर्ने गर्दछन । सुकदेबले मासिक पन्ध्र हजार कमाउदछन । दुवै जनाको आम्दानि राम्रै हुन थाले पछि उनीहरुले छोरालाई गोरखा बोर्डिंग स्कुलमा भर्ना गरिदिएका छन् । तरकारी खेतीले साथ् दिए थोरै जग्गा किनेर आफ्नै घर बनाउने सपना छ उर्मिलाको ।

तरकारी खेति गर्दा कामदारलाई प्रति दिनको ५ सयका दरले ज्याला दिने गर्छु बाकि म आफै काम गर्छु उर्मिलाले भनिन । उर्मिला चौधरीमा निकै जोश छ अब कृषि फर्म दर्ता गरेर तन मन दिएर काम गर्ने सोच रहेको उनले बताईन ।

फुर्सदमा बसेर अरुका कुरा काट्नु भन्दा आफ्नै काममा व्यस्त रहन मन लाग्छ यसो गर्दा थोरै भएनी पैसा आउछ उनको बुझाई छ । केहि दिन अघि उर्मिलाले करिब बाह्र सय टमाटरका बिरुवा पनि रोपेकी छन् ।

उर्मिलाले थोरै लगानीमा तरकारी ब्यबसाय शुरु गरेर अन्य महिलाहरुलाई पनि गर्न सकिने रैछ भन्ने संदेश दिएकी छन् ।

सम्बन्धित समाचार

लमही नगरपालिकाले रिहार धामका लागि बजेट नछुट्याउदा अध्यक्ष खत्रीको आपत्ति

छोराको शुल्क तिर्न मासिक ३ प्रतिशत ब्याजमा आमाको तिलहरी धितो

राष्ट्रिय बाणिज्य बैंक घोराही शाखाद्वारा ‘वित्तीय साक्षरता कार्यक्रम’ सञ्चालन

गुल्मीमा माछा मार्ने क्रममा करेन्ट लागेर एक जनाको मृत्यु