राप्तीमा बगेर बृद्ध बेपत्ता

प्रिया स्मृती गजमेर भदौ २९, २०७६ गते २०:४६ मा प्रकाशित

दाङ, देउखुरीमा आज एक जना वृद्ध राप्ती नदिमा बगेर बेपत्ता भएका छन । बेपत्ता हुनेमा लमही नगर पालिका वडा न ६ मध्यनगरका अन्दाजी ६० बर्षका डन्खु चौधरी रहेका छन ।

आज साझ पौने ६ बजे तिर भैंसी चराएर घर फर्किने समयमा राप्ती नदि तर्दा बगेको स्थानियले बताएका छन । वृद्ध चौधरीलाई अन्य साथिहरुले नजान भने पनि उनले नमानेर पानीमा पसेको बताए । बगेर बेपत्ता भएका चौधरीको घरमा श्रीमती,तीन छोरा भएको बताईएको छ ।

अहिले उद्दारका वडा प्रहरी कार्यालय लमहीका प्रमुख प्रज्वल थपलियाको टोलि घटनास्थल पुगेको छ भने शसस्त्र प्रहरी बल अर्जुन खोलाको टोलि पनि उद्दारमा खटिएको छ ।

वडा प्रहरी कार्यालय लमहीका प्रमुख थपलियाका अनुशार सतबरिया प्रहरी चौकी,रिहार अस्थायी प्रहरी चौकी,ईलाका प्रहरी कार्यालय सम्म खोजबिन गर्नका लागि खबर गरिसकेको बताए। अहिले रात परिसकेकोले उद्दारमा समस्या भएको बताए।

क्याटेगोरी : प्रदेश ५