दाङ देउखुरीमा छुट्टाछुट्टै दुर्घटनामा चार जनाको मृत्यु

दाङ, देउखुरीमा भएका छुट्टाछुट्टै दुर्घटनामा चार जनाको ज्यान गएको छ । गएराती लमही भालुबांग सडक खण्ड अन्तर्गत राप्ती गाउपालिका वडा नम्बर ८ पिपरीमा मोटरसाईकल दुर्घटनामा परेर दुई जनाको ज्यान गएको हो ।

ज्यान जानेमा लमही नगर पालिका वडा नम्बर ४ गुर्जेहवा निवासी अन्दाजी ३० बर्षिय बिनय चौधरी र घोराही उपमहानगर पालिका वडा नम्बर दश नारायणपुर निवासी छब्बीस बर्षिय बाल कृष्ण भण्डारी रहेका छन् । लमही बाट भालुबांग तर्फ जादै गरेको रा ३ प् २०६१ नम्बरको मोटरसाईकल र पूर्व बाट पश्चिम तर्फ जादै गरेको मोटरसाईकल एक आपसमा ठोकिएको प्रहरीले बताएको छ । एक आपसमा ठोकिएर उछिटिएको रा ३ प् २०६१ नम्बरको मोटरसाईकललाई पश्चिम बाट पूर्व तर्फ गैरहेको ट्रकले किच्दा ज्यान गएको प्रहरीले जनाएको छ ।

त्यस्तै लमही नगर पालिका वडा नम्बर ६ देउपुर निवासी बर्ष २६ का जिबन चौधरीको करेन्ट लागेर ज्यान गएको छ । निर्माणाधीन घरमा प्लास्टर गरिरहेको समयमा थ्री फेसको तारमा छुन पुग्दा चौधरीलाई करेन्ट लागेको हो । करेन्ट लागेर गम्भीर घाइते भएका चौधरीको लमही अस्पतालमा उपचारका क्रममा ज्यान गएको हो । त्यस्तै लमही नगर पालिका वडा नम्बर २ सोनपुरमा एक बाह्र बर्षिया बालिका सुमिना चौधरीले झुन्डिएर आत्महत्या गरेकी छन् ।

उनले के कारणले आत्महत्या गरेकी हुन् भन्ने बारे खुल्न नसकेको वडा प्रहरी कार्यालय लमहीका प्रहरी निरीक्षक प्रज्वल थपलियाले जानकारी दिएका छन् ।

सम्बन्धित समाचार

लमही नगरपालिकाले रिहार धामका लागि बजेट नछुट्याउदा अध्यक्ष खत्रीको आपत्ति

छोराको शुल्क तिर्न मासिक ३ प्रतिशत ब्याजमा आमाको तिलहरी धितो

राष्ट्रिय बाणिज्य बैंक घोराही शाखाद्वारा ‘वित्तीय साक्षरता कार्यक्रम’ सञ्चालन

गुल्मीमा माछा मार्ने क्रममा करेन्ट लागेर एक जनाको मृत्यु