स्मार्ट कृषि र जलवायु अनुकुलन सिकाउदै एनवाईसीए

प्रिया स्मृती गजमेर साउन २५, २०७६ गते ८:४८ मा प्रकाशित

दाङ, युवाहरूले नेतृत्व गरेकाे एनवाईसीए स्थापना भएको ११ बर्ष पुगेकाे छ । दाङमा समेत संगठन रहेकाे यस संस्थामा अावद्द युवाहरुले जलवायु परिवर्तन र वातावरणीय सरसफाइमा जाेड दिदै अाफ्ना गतिविधि गर्दै अाएकाे छ ।

याे संस्था दाङमा स्थापना भएको चार बर्ष पुगेकाे छ । बार्षिकत्सवकाे अवसरमा जलवायु परिवर्तनकाे बिषयमा अनलाइन प्रतियोगिता राखेकाे संस्थाका सञ्चार विभाग प्रमुख अमर बस्नेतले जानकारी दिएका छन ।

एक बर्षकाे अवधिमा प्लास्टिक प्रदुषण र वायु प्रदुषणको न्यूनीकरणको विषयमा विचार विमर्श, क्लाइमेट स्मार्ट एग्रिकल्चर कार्यक्रम गरेकाे छ । किसानहरुलाइ जलवायु परिवर्तन संग जाेडेर बिषादीले पार्ने असरकाे बारेमा कृषि अन्तरक्रिया कार्यक्रम गरिएको छ । बार्षिक रुपमा गरेका कार्यक्रमले किसान र युवाहरुकाे बिचमा समन्वय बढाएकाे छ ।

‘हामिले विभिन्न कार्यक्रम संचालन गर्दै गर्दा आफ्नो उद्देश्य मिल्ने विभिन्न संघ संस्था सङ्ग कार्यगत एकता र सहकार्य गर्दै अगाडि बडिरहेका छौ’ सञ्चार प्रमुख अमर बस्नेतले भने-‘हामीले प्रदेशमा प्रदेशस्तरीय यूएनडीपी देखि स्थानीय तहमा स्थानीय सरकार, लमही नगरपालिका र स्थानीय विभिन्न संघसंस्था जस्तै जेसीआई लमही, टिम नेपो दाङ्ग, पृथु टेकनिकल कलेज, देउखुरी उद्योग वाणिज्य महासंघ आदि संस्थासङ्ग सहकार्य गर्दै आएका छौं ।’

क्याटेगोरी : प्रदेश ५