काठ तस्करहरुको नयाँ रुप, जमुनमुनि गाडिएका सालको काठ बरामद

प्रिया स्मृती गजमेर साउन १८, २०७६ गते १७:५४ मा प्रकाशित

दाङ, राजपुर गाउपालिका वडा नम्बर चारमा रहेको रामजानकी सामुदायिक बन क्षेत्र भित्र जमिनमा गाडेर राखेको अबस्थामा एघार थान सालका घप्पू फेला परेको छ ।

सामुदायिक बनका अध्यक्ष हिरालाल यादबले जमिनमा गाडेर राखेको ति काठको बारेमा सुचना पाए पछि प्रहरी र बन कार्यालयका कर्मचारीलाई खबर गरेका थिए । देउखुरी बन डिभिजन कार्यालय लमहीबाट सहायक बन अधिकृत लालबाबु यादबको नेतृत्वमा गएको टोलि र प्रहरीले जमिनमुनि गाडेर राखेका घप्पू बरामद गरेको हो ।

उक्त घटनामा स्थानियकै हात रहेको हुन सक्ने सामुदायिक बनका अध्यक्ष हिरालाल यादबले दाबी गरेका छन् । घटनाको अनुसन्धान जारि रहेको र दोषी पत्ता लागे बन ऐन अनुशार कारबाही गरिने देउखुरी बन डिभिजन कार्यालय लमहीका सहायक बन अधिकृत लालबाबु यादबले बताएका छन् ।

क्याटेगोरी : प्रदेश ५