वडा प्रहरी कार्यालय लमहीका प्रहरी प्रमुख सिंहको १४ महिने कार्यकाल

दाङ, वडा प्रहरी कार्यालय लमहीले वितेको एक बर्षमा सवारी ज्यान सम्वन्धि पाँच ओटा मुद्धा दर्ता गरेको छ । गल्ती गर्ने सानो होस या ठूलो सवारी साधन उसैलाई कानुनी कारबाही गर्नेगरी मुद्धा दर्ता गरेर कारबाही थालिएको वडा प्रहरी कार्यालय लमहीका प्रहरी प्रमुख अरुणकुमार सिंहले जानकारी दिएका छन् । ठूलो र सानो सवारी साधन एक आपसमा जुधेमा ठूलो सवारी साधनको गल्ती देख्ने परम्परा थियो । अव त्यो परम्परा तोडीएको प्रहरी प्रमुख सिंहको भनाई छ ।

वडा प्रहरी कार्यालय लमहीले आर्थिक बर्ष २०७५-०७६ मा १२ ओटा जवरजस्तीकरणी मुद्धा दर्ता गरेको छ । जस मध्य दुई ओटा हाडनाता करणी मुद्धा रहेको छ । गाउँघरमा करणी मुद्धा समेत मिलापत्र गर्नेे चलन थियो । घटना भएपनि प्रहरी सम्म आईनपुग्ने विगतको अवस्था थियो । तर, अहिले घटना भएपछी प्रहरी कार्यालयमा उजुरी दिने क्रम बढेकोको छ । जसका कारण प्रहरी कार्यालयमा करणी मुद्धा समेत बढेको छ । गत आर्थिक बर्षमा ७४ ओटा मुद्धा प्रहरी कार्यालयमा दर्ता भएको छ । ०७४÷०७५ मा भने मुद्धा दर्ता संख्या ८८ रहेको थियो । आफ्नो १४ महिने कार्यकालमा अपराध घटाउन सकिएको प्रहरी प्रमुख सिंहले बताए ।

जवरजस्तीकरणी मुद्धा १२, हातनाता करणी २ ओटा, सवारी ज्यान ५, सार्वजनिक शान्ति विरुद्धको कसुरमा १४ ओटा मुद्धा दर्ता गरिएको छ । वडा प्रहरी कार्यालय लमहीका प्रमुख सिंहले आफ्नो १४ महिने कार्यकालमा प्रहरी आचरण विरुद्ध कार्य गर्ने तीन जना प्रहरीलाई कारबाही गरेका छन् । यस्तै राम्रो काम गरेको भन्दै ६ जना प्रहरीलाई पुरस्कृत गरिएको छ ।

सम्बन्धित समाचार

लुम्बिनी प्रदेश सरकार र विपक्षीहरूको ध्यान सर्वोच्च अदालततिर

लुम्बिनी प्रदेश सरकारले ल्यायो ४० अर्ब ९५ करोडको बजेट

अक्सिजन अभावपछि फेसवुकमा माननीय खोजिदै

शंकर पोखरेलको नियति : भुईँको टिप्न खोज्दा पोल्टाको गुम्यो !