राप्ती गाउपालिकालाई डसविन हस्तान्तरण

दाङ, राप्ती गाउपालिका क्षेत्रलाई सफा सुग्घर र हरियाली बनाउने उदेश्यका साथ डिभिजन वन कार्यालय लमही देउखुरीले राप्ती गाउँपालिकालाई डसविन उपलब्ध गराएको छ ।

राप्ती गाउँपालिका खुला फोहर मुक्त बनाउने अभियान स्वरुप डिभिजन वन कार्यालय लमहि र नर्ति समन्वय समिति ले डसविन उपलब्ध गराएको हो । शुक्रवार एक कार्यक्रमको आयोजना गरि डिभिजन वन कार्यालय लमहीका प्रमुख शंकर प्रसाद गुप्ताले राप्ती गाउँपालिकाका अध्यक्ष नुमानन्द सुवेदिलाई सरसफाईमा हाम्रो पनि साथ र सहयोग निरन्तर रहने छ भन्दै सरसफाईका सामाग्री हस्तान्तरण गरेका हुन् । सरसफाई सामाग्री बुझ्दै राप्ती गाउँपालिकाका अध्यक्ष नुमानन्द सुवेदिले असल र राम्रो काममा सबैको साथ रहे अबस्य समाजलाई राम्रो बाटो तर्फ लैजान सकिने भन्दै डिभिजन वन कार्यालय लमहीको यो अभियानलाई धन्यवाद दिएका छन् ।

सरसफाई समाग्री हस्तान्तरण कार्यक्रममा उपाध्यक्ष जगदम्वा कुमारी चौधरी, प्रमुख प्रशासकिय अधिकृत राम प्रसाद शर्मा, सहायक वन अधिकृत लाल बाबु यादव, वडा अध्यक्ष जगत बहादुर थापा, राप्ती वन महासंघका अध्यक्ष हरी भुसाल, उद्योग बाणिज्य संघ भालुवाङका अध्यक्ष जगत प्रसाद पोख्रेल, सामुदायीक वन समुहका अध्यक्षहरु हरी श्रेष्ठ, भिमकान्त भुसाल लगायतको सहभागीता रहेको थियो ।

सम्बन्धित समाचार

लमही नगरपालिकाले रिहार धामका लागि बजेट नछुट्याउदा अध्यक्ष खत्रीको आपत्ति

छोराको शुल्क तिर्न मासिक ३ प्रतिशत ब्याजमा आमाको तिलहरी धितो

राष्ट्रिय बाणिज्य बैंक घोराही शाखाद्वारा ‘वित्तीय साक्षरता कार्यक्रम’ सञ्चालन

गुल्मीमा माछा मार्ने क्रममा करेन्ट लागेर एक जनाको मृत्यु