काठमाडौं – सरकारविरुद्ध देशभर भएको प्रदर्शनले प्रमुख प्रतिपक्षी नेपाली कांग्रेसलाई जगाएको छ । तीन वर्षयता लगभग निराशजस्तै देखिएका कांग्रेस कार्यकर्ताहरु सोमबारको देशव्यापी प्रदर्शनबाट एकाएक उत्साही बनेका छन् ।
सरकारविरुद्ध कांग्रेसले सोमबार बझाङ र मुस्ताङबाहेक देशभरका ७५ जिल्लामा प्रदर्शन गरेको छ । देशभरका प्रदर्शनमा कांग्रेस कार्यकर्ता तथा समर्थकको उल्लेख्य सहभागिता देखिएको थियो । पार्टीका केन्द्रीय नेताहरुले नै जिल्ला-जिल्लामा पुगेर विरोध प्रदर्शनको अगुवाइ गरेका थिए ।
![Image may contain: 2 people, including Madu Thapa, people standing, crowd and outdoor](https://scontent.fbhr1-1.fna.fbcdn.net/v/t1.0-9/131124120_4269228246474894_4945737346596570898_o.jpg?_nc_cat=110&ccb=2&_nc_sid=8bfeb9&_nc_eui2=AeEkFvfoQnX8640ROiXW5SJEWja6-guRBlJaNrr6C5EGUtDUYvnF61-HVEuAFm911fkNvMqP7W-BqHFbyO1z8h1C&_nc_ohc=QqfhqLuOtokAX_QL-JF&_nc_ht=scontent.fbhr1-1.fna&oh=ebdb6be804a287a92f7542063e02de94&oe=5FFDDFE2)
काठमाडौंको शान्ति बाटिकामा भएको विरोध प्रदर्शनमा झण्डै ७/८ हजारको सहभागिता रहेको कांग्रेस नेताहरुले बताएका छन् । जिल्लाहरुमा भएको प्रदर्शनमा पनि उल्लेख्य सहभागिता देखिएको कांग्रेस नेताहरुले बताएका छन् ।
सुरक्षा निकायले गरेको रिपोर्टिङमा पनि कांग्रेसको प्रदर्शनमा उल्लेख्य सहभागिता देखिएको निश्कर्ष निकालेको छ । उसले देभरका प्रदर्शनमा करिब ९२ हजारको सहभागिता रहेको रिपोर्ट तयार पारेको बुझिएको छ ।
ओली सरकारको पक्षपातपूर्ण एवं सर्वसत्तावादी प्रवृत्ति, कोभिड-१९ नियन्त्रणमा देखिएको उदासीनता र भ्रष्टाचारको विरोध गर्दै प्रदर्शन गरिएको कांग्रेस नेताहरुले बताएका छन् ।
![Image may contain: one or more people, people walking, crowd and outdoor](https://scontent.fbhr1-1.fna.fbcdn.net/v/t1.0-9/131661259_4269227886474930_1934326450288083301_n.jpg?_nc_cat=108&ccb=2&_nc_sid=8bfeb9&_nc_eui2=AeE3L4AJERSw2QYIBw0kGv8NNPbonD7ayEw09uicPtrITN3QCmMUClosiwPYrx-wvWeOdXMLdCWCgwTvx6VaMTK_&_nc_ohc=NxOP1sd43L0AX8r94Fg&_nc_ht=scontent.fbhr1-1.fna&oh=dcafcdaf322bd9224540ca03b61878ac&oe=5FFBECD3)
प्रदर्शनहरुमा ओलीविरुद्ध चर्का नाराहरु लगाउनका साथै कतिपय जिल्लामा कांग्रेस कार्यकर्ताले प्रधानमन्त्रीको राजीनामासमेत मागेका छन् ।
सरकारको चर्को आलोचना
विरोधसभालाई सम्बोधन गर्ने कांग्रेस नेताहरुले सरकारको चर्को आलोचना गरेका छन् । भ्रष्टाचार डुबेको, अधिनायकवादतर्फ उन्मुख भएको, कोरोना महामारी नियन्त्रणमा चुकेको भन्दै सरकारको आलोचना गरेका उनीहरुले ‘राजा आऊ, देश बचाऊ’ भन्दै प्रदर्शन गर्दै हिँडेका राजावादीहरुतिर पनि निशाना साँधे ।
हेटौंडामा आयोजित सभालाई सम्बोधन गरेका सभापति देउवाले कोरोना महामारीमासमेत सरकारले भ्रष्टाचार गरेको बताए । महामारीका बेला आफूहरुले निर्शत समर्थन गर्छौं भन्दा पनि सरकार भ्रष्टाचारमा लागेको देउवाको आरोप छ ।
क्याटेगोरी : राजनीतिट्याग : #breaking