मानव बेचविखन मुद्धामा फरार २ जना गिरफ्तार

काठमाडौं – मानव बेचविखन मुद्धामा फरार दुईजनालाई प्रहरीको मानव बेचविखन व्यूरोले पक्रेको छ । पक्राउ पर्नेमा चितवनको राप्ती नगरपालिका–९ का उद्धव घतानी र नरबहादुर श्रेष्ठ उर्फ गोरे छन् ।

उद्धवले एकजना नेपाली युवालाई ‘मिल्क पाउडर कम्पनीमा काम लगाइदिन्छु’ भनेर लिबियाको त्रिपोलीमा लगेर अलपत्र पारेका थिए । ०७५ भदौबाट ०७६ जेठ सम्म लिबियामा बन्धक बनाइएका ती युवा नेपाल फर्केर प्रहरीलाई उजूर गरेका थिए ।

पीडितसँग १ लाख ६० हजार नेपाली रुपैयाँ र १ हजार अमेरिकी डलर लिएर उनलाई दुवई हुँदै त्रिपोली पठाएका थिए । इन्जेलिजेन्स टोलीले उद्धवलाई सोमबार चितवनबाट पक्रेको ब्यूरोका प्रवक्ता (एसपी) गोविन्द थपलियाले जानकारी दिए ।

नरबहादुरले ३ जना नेपाली महिलालाई ‘कुवेत पठाईदिन्छु’ भनेर भारतको नयाँ दिलीस्थित एक अपार्टमेन्टमा लगेर बन्धक बनाएका थिए । उनीहरुलाई भारतीय प्रहरीको सहयोगमा केन्द्रिय अनुसन्धान व्यूरोले उद्धार गरेको थियो । असार ७ मा पक्राउ परेका नरबहादुरलाई अदालतले पुर्पक्षका लागी थुनामा राख्न आदेश दिएको छ ।

सम्बन्धित समाचार

बाढीपहिरोका कारण देशका प्रमुख राजमार्गहरू अवरुद्ध, रात्रिकालीन सवारीमा कडाइ

मिटरब्याजपीडित र सरकारी वार्ता टोलीबीच आजै सम्झौतापत्रमा हस्ताक्षर हुने तयारी

साउनको आगमनसँगै हरियो चुरा र पोतेले सजिए बजार, किन्नेको लाग्यो…

गृहमन्त्री गुरुङले दिए राजीनामा