प्रदेश ५ मास्क नलगाउने १ हजार बढीमाथि कारबाही

दाङ – मास्क नलगाइ हिड्नेहरुमाथि कारवाही गर्ने क्रम प्रहरी अगाडी तिव्ररुपमा बढाएको छ । प्रदेश ५ मा मास्क नलगाउँदा १ हजार १९ जना कारबाहीमा परेका छन् ।

विश्वव्यापी कोरोना महामारीबाट बच्नका सतर्कता अपनाउँदै गृहमन्त्रालयले जारी गरेको निर्देशन अनुसार सार्वजनिक ठाउँमा मास्क नलगाउँने ६ सय २१ जना पुरुष तथा ३९८ जना महिला कारबाहीमा परेका हुन् ।

प्रदेश ५ प्रहरी कार्यालय दाङले दिएको जानकारी अनुसार गत असार २३ गतेदेखि यहि साउन ३ गतेसम्म ११ दिनकोअवधिमा उनिहरुलाई कारबाही गरिएको हो ।

कारबाहीमा पर्नेहरुमा सबैभन्दा बढी बर्दियाका ६ सय २५ जना रहेका छन् । ३ सय ८६ जना पुरुष तथा २३९ जना महिला मास्क नलगाएका कारण कारबाहीमा परेका हुन् ।

यसैगरी प्यूठाउनमा १८५ पुरुष तथा १३६ महिला गरी ३२१ जना प्रहरी कारबाहीमा परेका छन् । रुपन्देहीमा ६० जना प्रहरी कारबाहीमा परेकामा ९ जना पुरुष तथा ४१ जना पुरुष तथा १९ जना महिला रहेका छन् भने अर्घाखाँचीमा ९ जना पुरुष तथा ४ जना महिला गरी १३ जना प्रहरी कारबाहीमा परेका छन् ।

कोरोना महामारीबाट बच्न कुनै पनि सार्वजनिक ठाउँमा जाँदा तथा घर बाहिर निस्किँदा अनिवार्य मास्क लगाउँन आग्रह गर्दै प्रहरीले प्रक्राउ गरिएकाहरुलाई सम्झाइ बुझाई गरी छाडेको प्रदेश प्रहरी कार्यालय एसएसपी राज कुमार बैदवार बताए ।

सम्बन्धित समाचार

राष्ट्रिय बाणिज्य बैंक घोराही शाखाद्वारा ‘वित्तीय साक्षरता कार्यक्रम’ सञ्चालन

टुडिखेलमा घोडेजात्राको रौनक (फोटोफिचर)

दशौँ कतार अन्तर्राष्ट्रिय कृषि प्रदर्शनीको ३५ हजार भन्दा बढीले अवलोकन

संघ र महासंघवीच सम्झौता, कतार र नेपाल वीच व्यवसाय प्रवर्द्धनमा…