देउखुरीका सामुदायिक बनमा रोकिएन चोरीनिकासी

दाङ्ग, दाङ्गको देउखुरीका सामुदायिक बन र रास्ट्रिय बनबाट काठ तस्करी बढ्दै गएको छ । बन कार्यालयले अनुगमन र गस्ती कार्यलाई निरन्तरता दिए पनि चोरी निकासीमा कमि आउन सकेको छैन ।

केहि दिन अघि मात्र देउखुरीको राजपुर गाउपालिका वडा नम्बर १ को माररीखोला स्थित बुकी डाडा सामुदायिक बनभित्र बेवारिशे अवस्थामा साल जातको ३ सय ५५ क्युफिट काठ प्रहरीले बरामद गरेर सब डिभिजन बन कार्यालय गढ़वालाई जिम्मा लगाएको छ ।

तस्करहरुले सामुदायिक बनका पदाधिकारी र बन कर्मचारीकै मिलेमतोमा चोरीनिकासी हुने गरेको सम्बन्धित सामुदायिक बनका उपभोक्ताहरुको गुनासो छ । डिभिजन बन कार्यालय देउखुरीले आफ्नो मातहतमा देउखुरी क्षेत्रमा आठवटा सब डिभिजन बन कार्यालय स्थापना गरेको छ ।

दिनभर जंगलमा बसि काठ काटेर संकलन गर्ने र राति निकासी हुने गरेको पाईएको छ । काठ काट्न र ओसार पसार कार्यमा सामान्य मान्छेलाई प्रयोग गरेर पहुँच वाला व्यक्तिले काठ निकासा हुने गरेको छ ।

चोरीनिकासीमा संलग्न भएकालाई बिगो जरिवाना सहित कारबाही चलाएका छौ, काठको परिमाण हेरेर बन ऐन अन्तर्गत हदै सम्मको कारबाही पनि गरेकै छौ, डिभिजन बन कार्यालय देउखुरीका प्रमुख प्रविन बिडारीले बताए ।

हाम्रो तर्फबाट निरन्तर अनुगमन र गस्ती गरेका छौ प्रमुख बिडारीले भने । यतिमात्र नभएर सामुदायिक बन क्षेत्रबाट धमाधम ढुंगा उत्खनन समेत भैरहेका छन् ।

सम्बन्धित समाचार

नेपाल र चीनबीच  सूचना प्रविधिको क्षेत्रमा  सहकार्य बढाउन जोड

कतारमा ११५ औँ अन्तर्राष्ट्रिय नारी दिवसको अवसरमा विभिन्न कार्यक्रम सप्पन्न

नेपाली महिला समाज कतारको आयोजनामा बृहत रक्तदान कार्यक्रम हुदै

प्रवासी भुजेल समाज कतारले पहिलो पटक रक्तदान कार्यक्रमको आयोजना गर्दै