समृद्ध नेपाल बनाउने अभियानमा सहकारीको भूमिका महत्वपूर्ण – मंत्री पौडेल

दाङ्ग, प्रदेश नं. ५ का भुमि व्यवस्था तथा कृषि सहकारी मन्त्री आरती पौडेलले सुखी नेपाली, समृद्ध नेपाल बनाउने अभियानमा सहकारीको भूमिका महत्वपूर्ण रहेको बताएकी छन् ।

सरकारको ध्यान आर्थिक समृद्धि र विकासमा केन्द्रित रहेको भन्दै मन्त्री पौडेलले समृद्धिको मुख्य आधार नै सहकारी रहेको बताएकी हुन् । शुक्रवार लमही नगरपालिका वडा न ९ रिहारमा रहेको कर्मठ सामाजिक उद्यमी महिला सहकारी संस्थाको छैठौं वार्षिक साधारण सभा कार्यक्रममा बोल्दै मन्त्री पौडेलले अर्थतन्त्रलाई सही ढंगबाट सञ्चालन गर्नका लागि सहकारी आवश्यक रहेको बताएकी छन् ।

त्यस्तै कार्यक्रममा प्रदेश मामिला तथा कनुन समिति सभापति दामा शर्मा, प्रदेशसभा सदस्य रेवतीरमण शर्मा, सरस्वती गौतम, विमला वली, धमकली चौधरीले देशको विकास र समृद्धिका लागि सहकारी क्षेत्रका साथै सबै क्षेत्र मिलेर अघि बढ्नुपर्ने भन्दै, प्रदेश सरकारले सहकारी विकास कोषको स्थापना गरेको र सरकारले सहकारी मार्फत उद्योग संचालन गर्ने योजना बनाएको बताएका छन् ।

कर्मठ सामाजिक उद्यमी महिला सहकारी संस्थाका अध्यक्ष देविमाया थापाको अध्यक्षता एवं प्रदेश नं. ५ का भुमि व्यवस्था तथा कृषि सहकारी मन्त्री अरति पौडेलको प्रमुख अथितिमा सम्पन्न भएको कार्यक्रममा लमही नगरपालिका नगर प्रमुख कुलबहादुर केसी, राजपुर गाउँपालिका अध्यक्ष लोकराज केसी, लमही नगरपालिका वडा नम्बर ८ का वडाध्यक्ष मेघनारायण चौधरी लगायतले बोलेका थिए ।

कार्यक्रममा वार्षिक प्रगति प्रतिवेदन सचिव सिला चौधरी, आर्थिक प्रतिवेदन कोषाध्यक्ष मिना पौडेल र लेखा परिक्षण प्रतिवेदन व्यवस्थापक जानकी चौधरीले प्रस्तुत गरेका थिए । कार्यक्रमको सहजिकरण गंगा घर्तीले गरेकी थिइन् ।

सम्बन्धित समाचार

कतार आइपुगे पूर्व परराष्ट्र मन्त्री महत । 

एनआरएन अध्यक्ष श्रेष्ठ र एफएनसीसीआई अध्यक्ष ढकालबीच ‘एनआरएन इन्भेस्टमेन्ट समिटबारे…

ठकुरी सहयोग सञ्जाल, कतारले आफ्नो ११ औं वार्षिकोत्सव भव्य रूपमा…

नेपाल र चीनबीच  सूचना प्रविधिको क्षेत्रमा  सहकार्य बढाउन जोड