थुनामा राखिएका कैदीलाई आदान प्रदान गर्ने बारेमा अमेरिकी तथा रुसी विदेश मन्त्रीबीच कुराकानी

अमेरिका र रुसका कारागारमा हिरासत र थुनामा राखिएका कैदीहरुलाई आदान प्रदान गर्ने बारेमा अमेरिकी तथा रुसी विदेश मन्त्रीबीच कुराकानी भएको छ ।

अमेरिकी विदेशमन्त्री एन्टोनी ब्लिन्केनले शुक्रबार रुसी विदेशमन्त्री सर्गेई लाभरोभसँग कुरा गरेको बताए ।

ब्लिन्केनले हिरासतमा रहेका अमेरिकीहरू ब्रिटनी ग्रिनर र पल व्हेलनलाई रिहा गर्न अमेरिकाले राखेको “महत्वपूर्ण प्रस्ताव” स्वीकार गर्न उनले लाभरोभलाई दबाब दिएको बताए।

यो युद्ध सुरु भएयता दुई नेताबीच पहिलो पटक कुराकानी भएको हो ।ब्लिन्केनले यसलाई “एक स्पष्ट र प्रत्यक्ष कुराकानी” भएको बताए ।

“मैले क्रेमलिनलाई पल व्हेलन र ब्रिटनी ग्रिनरको रिहाइको लागि राखेको ठोस प्रस्तावलाई स्वीकार गर्न दबाब दिएँ,” उनले भने।

युक्रेनको भागहरू गाभ्ने रुसको योजनामा ​​ब्लिन्केनले लाभरोभलाई ती कुराहरु कहिल्यै स्वीकार नगरिने बताए । उन्ले सॅसारले विलयलाई मान्यता नदिने बताए ।

रुसी विदेश मन्त्रालयले कैदी आदान प्रदान गर्ने बिषयमा यो कुराकानीको पुष्टि गर्दै यो अमेरिकाले सुरु गरेको बताएको छ ।

सम्बन्धित समाचार

प्रवासी भुजेल समाज कतारको आठाै महाधिवेशन सप्पन्न

एनआरएनएको उच्चस्तरीय मेलमिलाप समितिमा चार सदस्य थप

कतार आइपुगे पूर्व परराष्ट्र मन्त्री महत । 

एनआरएन अध्यक्ष श्रेष्ठ र एफएनसीसीआई अध्यक्ष ढकालबीच ‘एनआरएन इन्भेस्टमेन्ट समिटबारे…