गजल विशेष: यी आँखाका नानी बनाउँछु, माया गर्छु, दिल्मै सजाउँछु

निभा आभास फागुन ५, २०७६ गते ४:०३ मा प्रकाशित

यी आँखाका नानी बनाउँछु, तिम्रो हात मलाई देऊ ।
माया गर्छु, दिल्मै सजाउँछु, तिम्रो हात मलाई देऊ ।।

एकोहोरिन्छु, भुल्छु दुनिया, तिमीलाई देखेपछि,
कसम तिमिलाई बचन दिन्छु, तिम्रो हात मलाई देऊ ।

केके गर्नुपर्छ गर्छु, मन्दिरको देउता सामु पनि,
फूलपाती अक्षता चढाउँछु, तिम्रो हात मलाई देऊ ।

मायाको खडेरी पर्न दिन्न, खुसी राख्छु जुनीभरी,
तिमीसँगै हाँस्छु-रमाउँछु, तिम्रो हात मलाई देऊ ।

क्याटेगोरी : कला/साहित्य
ट्याग : #breaking

ज़ाइटोमिरमा रुसी क्षेप्यास्त्रको आक्रमणमा परि कम्तीमा १ जनाको मृत्यु