कविता : मान्छे एउटा खोलाको बगर जस्तै हो

मान्छे एउटा खोला को
बगर जस्तै हो,
कुन बेला बाढी आउँछ
थाहै हुन्न,

कहिले समयले थिचेको हुन्छ
कहिले सपनाले
कहिले आफ्नै मनले

कहिले आफ्नाले त
कहिले पराइले
थिचिरहेका हुन्छन् ,

को होला र यहाँ शत्रु
नभएका,
भोको पेट भर्न माग्दै नहिँडे तापनी
मागेकै सरह
भनिदिन्छन्।

तिम्रो जस्तो उचाईमा पुग्न हरकोहि
को इच्छा हुन्छ,
तर
आफ्नो मनमा के चलिरहेको छ
त्यो आफै लाई थाहा हुन्छ
र पनि त्यसको व्याख्या
समाजका विद्वानले
नै गरिदिन्छन्।

उक्साउने पनि त्यही
समाज,
भड्काउने पनि त्यही
समाज
तर समाधान को बाटो
खोजिदिए झैँ
गरिदिन्छन्।

अरुको खेदो ,रिस
र कुभलो
गर्न सिकाउनेले
किन सिकाएन
प्रगतीको बिगुल
फुक्ने कला?

• लेखक ~ गोबिन्द नेपाल , हाल – काठमाडौं, नेपाल

सम्बन्धित समाचार

डिपि र सदु द्वयको ‘मेरी सानी’ सार्वजनिक

टिकटक स्टार अवार्ड-२०२२ सम्पन्न, प्रथम उपाधि मुमताज़ र सोफ़ियालाई

गजल उत्सव – ४ भव्य रुपमा सम्पन्न, प्रवासी साहित्यक मनहरुलाई…

मेरो दशैं, हिजो र आज