कविता : मान्छे एउटा खोलाको बगर जस्तै हो

मान्छे एउटा खोला को
बगर जस्तै हो,
कुन बेला बाढी आउँछ
थाहै हुन्न,

कहिले समयले थिचेको हुन्छ
कहिले सपनाले
कहिले आफ्नै मनले

कहिले आफ्नाले त
कहिले पराइले
थिचिरहेका हुन्छन् ,

को होला र यहाँ शत्रु
नभएका,
भोको पेट भर्न माग्दै नहिँडे तापनी
मागेकै सरह
भनिदिन्छन्।

तिम्रो जस्तो उचाईमा पुग्न हरकोहि
को इच्छा हुन्छ,
तर
आफ्नो मनमा के चलिरहेको छ
त्यो आफै लाई थाहा हुन्छ
र पनि त्यसको व्याख्या
समाजका विद्वानले
नै गरिदिन्छन्।

उक्साउने पनि त्यही
समाज,
भड्काउने पनि त्यही
समाज
तर समाधान को बाटो
खोजिदिए झैँ
गरिदिन्छन्।

अरुको खेदो ,रिस
र कुभलो
गर्न सिकाउनेले
किन सिकाएन
प्रगतीको बिगुल
फुक्ने कला?

• लेखक ~ गोबिन्द नेपाल , हाल – काठमाडौं, नेपाल

सम्बन्धित समाचार

कान्त ओलीको नयाँ गीत ‘बिहानी नहुदै’ सार्बजनिक (भिडियो सहित)

दाङ देउखुरी सेवा समाजको ‘तीज विशेष’ कार्यक्रम तयारी अन्तिम चरणमा,…

कान्त ओलीको नयाँ गीत ‘गोधुलीमा’ सार्बजनिक (भिडियो सहित)

गीतकार मन्जु कडेल साहसीको नयाँ गीत ‘संसार जिते मैले’ सार्बजनिक