बिहान उठेपछि नियमित गर्नुहोस् यी तीन काम, शरीरलाई फाइदै फाइदा

काठमाडौँ –

बिहान सबेरै उठेर नित्यकर्म गर्नु मानव स्वास्थ्यका लागि लाभदायक मानिन्छ । शास्त्रमा भनिएका तथा उल्लेख गरिएका संस्कार पछिल्लो पुस्ताले बेवास्ता गरेपनि त्यसले मानव स्वास्थ्यमा असर पुर्‍याइएको हुन्छ ।

मानिसहरु ढिलो सम्म जागै बस्ने र बिहान ढिला सम्म सुत्ने चलन बढी छ । तर, यसले स्वास्थ्यमा गम्भीर असर पारिरहेकोतर्फ पनि सचेत हुनुपर्छ । खासमा सूर्योदय हुनु अघि नै उठ्नु स्वास्थ्यका दृष्टिले निक्कै राम्रो मानिन्छ । सूर्योदय अघिको समयलाई ब्रह्म मुहूर्त भनिन्छ ।

उठ्ने वित्तिकै तामाको भाँडाको पानी पिउँदा उत्तम

सूर्योदय अघि उठेर पानी पिउनु राम्रो मानिन्छ । यसलाई उशा पान पनि भन्ने गरिन्छ । बिहान पिइएको पानीले शरीरमा रहेको विकारलाई बाहिर पठाउन मद्दत गर्छ । त्यति मात्र होइन सवेरै पानी पिउँदा विभिन्न रोगबाट समेत बँच्न सकिन्छ । यसले हाम्रो त्वचा पनि राम्रो बनाउँछ । बिहानमा तामाको भाँडोमा राखेको पानी पिउनु सबै भन्दा उत्तम मानिन्छ ।

हत्केलाको दर्शन

बिहान उठ्ने वित्तिकै सबै भन्दा पहिलो काम हत्केलाको दर्शन गर्नु पर्छ भनेर ऋषिमुनीहरुले भनेका छन् । यसले हाम्रो दिनलाई शुभ बनाउने शास्त्रमा उल्लेख छ । हत्केलाको दर्शनपछि हामीले भूमिको दर्शन गर्नु अर्थात जमिनमा ढोग्नु राम्रो मानिन्छ । यसो गर्दा स्वास्थ्य र धन दुवै लाभ हुने बताइएको छ । बिहान सवेरै उठ्ने ब्यक्तिको अनुहारमा कान्ति हुने हुन्छ । यसले छालालाई राम्रो राख्छ भने छिटो बुढो देखिने समस्याबाट पनि मुक्ति दिन्छ ।

योग ध्यान तथा योगाभ्यास

बिहान उठ्ने वित्तिकै योगा वा ध्यान गर्नु उत्तम मानिन्छ । बिहानको हावा र वातावरण कम प्रदुषित हुने र तनाव पनि कम हुने हुँदा यो समयमा ध्यान गर्दा दिनभर दिमाग एकतृत गर्न सकिने विज्ञहरुको भनाइ छ । बिहानको हावा स्वास्थ्यवर्धक मानिन्छ । बिहान सवेरै उठेको ब्यक्ति दिनभर फ्रेस रहन्छ ।

शास्त्रले बिहान ढिला उठ्दा धेरै कुरा नकारात्मक हुन्छ । अरु उठ्नु अघि नै उठेर आफ्ना नित्य कर्म गर्ने ब्यक्तिलाई दिनभरी सकारात्मक विचार आउने र उर्जा कायम रहने शास्त्रमा उल्लेख छ ।

सम्बन्धित समाचार

२४ घण्टामा थप १५७० जनामा कोरोना पुष्टि, १३ को मृत्यु

कोरोनाको भयावह अवस्था : परीक्षण गरेकामध्ये आधामा संक्रमण

तपाई योग गर्ने कि जिम जाने ?

आज विश्व मुटु दिवस, यसरी बच्न सकिन्छ मुटुरोगबाट