Techie IT
×
गृहपृष्ठग्लोबलगल्फयुएईबाट १ हजार ८ सय स्वदेश फर्किए

युएईबाट १ हजार ८ सय स्वदेश फर्किए


युएई –  कोभिड १९ को कारण अहिले विश्व आक्रान्त छ । यसको असरबाट विदेशमा कार्यरत नेपालिहरु अछुतो छैनन ।

अझ महामारीका कारण रोजगारी गुमाउने को सँख्या पनि ठूलै छ । कोभिड १९ को संक्रमण सँग सँगै विभिन्न कारणले समस्यामा परेका नेपालिहरु दुतावासको समन्वय र सहजिकरणमा युएईबाट घर फर्कने क्रम शुरु भैसकेको छ ।

दुतावसले जारी गरेको प्रेष विज्ञप्ति अनुसार गत १९ जुन देखि आज २७ जुन सम्ममा निर्धारित ११ वटा चार्टर उडान मार्फत १ हजार ८ सय ८९ जना नेपाली नेपाल फर्किएको साथै यो क्रम जारी रहेको जनाएको छ । चार्टर उडानको तोकिएको भाडा महँगो हुन अझ एयरलाइन्स पिच्छे फरक भाडा डर र तोकिएकै एयरलाइन्स मार्फत जानू पर्ने वाध्यताले जनगुनासो बढिरहेको थियो । तर पछिल्लो समयमा दुतावासको पहलमा केही सहजता आएको छ ।

यो सँगै अब पुर्वनिर्धारित चार्टर फ्लाईटहरु नेपाल एयरलाईन्स, हिमालय एयरलाईन्स, एयर अरेबिया र फ्लाई दुबईका उडानहरुमा अब यात्रुले आफुलाई पायक पर्ने मिति र एयरलाईन्सको टिकट बुक गर्न सक्नेछन्। यसका लागि दूतावासले ४ हजार १ सय १० जना यात्रुको एकीकृत नामावली प्रकाशन गरिसकेको छ ।

दुतावसले जारी गरेको अनलाइन फारम भरेर घर फर्कन तयार भएर बसेका बाँकी नेपालीहरुको नाम पछि सार्वजनिक गर्ने बताईएको छ। यसअघि दूतावासले अलग अलग एयरलाईन्सका लागि अलग अलग नामावली प्रकाशन गर्ने गरेको थियो। दूतावासले अप्रिल २८ देखि खुलाएको अनलाइन फारम भर्नेहरुको संख्या ३० हजार नाघिसकेको दूतावासले जनाएको छ।


क्याटेगोरी : गल्फ
ट्याग : #breaking, #hot

तपाईको प्रतिक्रिया दिनुहोस