कोरोना अपडेट : भारतमा मृत्यु हुनेको संख्या १४९ पुग्यो, आज सम्म ५२७४ जना संक्रमित

एजेन्सी – भारतमा कोरोना भाइरस संक्रमणबाट मृत्यु हुनेको संख्या १ सय ४९ पुगेको छ । बुधबार सम्म भारतमा  संक्रमित हुनेहरुको संख्या ५ हजार २ सय ७४ पुगेको छ स्वास्थ्य मन्त्रालयले जनाएको छ ।

अहिले सम्म ४ सय १० जनाले पूर्ण स्वास्थ्य लाभ गरेका छन्। बुधबार मात्र सबैभन्दा बढी महाराष्ट्रमा १ सय १७ जना नयाँ संक्रमित देखिएका छन् । यो सहित महाराष्ट्रमा संक्रमित हुनेहरुको संख्या ११ सय ३५ पुगेको छ भने मृत्यु हुनेको संख्या ७२ जना पुगेको छ ।

बुधबारनै आन्ध्र प्रदेशमा ३४, राजस्थानमा २० र मध्यप्रदेशमा २२ जनामा संक्रमित भएको पुष्टि भएको हो । अहिलेसम्म महाराष्ट्रपछि तमिलनाडु, दिल्ली, मध्यप्रदेश, केरला, आन्ध्र प्रदेश, तेलंगाना, राजस्थान, उत्तरप्रदेश लगायतका राज्यहरुमा संक्रमित र मृत्यु हुनेहरुको संख्या धेरै देखिएको छ ।

सम्बन्धित समाचार

नेपाल र कतारबीच द्विपक्षीय समझदारीमा हस्ताक्षर

प्रधानमन्त्री र कतारी अमिरबीच द्विपक्षीय भेटवार्ता जारी

प्रधानमन्त्री र कतारी अमिरबीच भेटवार्ता शुरु

आरके शर्मा समूहद्वारा सर्वोच्चको फैसलाको स्वागत