कोरोना अपडेट : युएईमा थप एकको मृत्यु, थप २८३ जना नयाँ संक्रमित, अहिले सम्म संक्रमितको संख्या २३५९ पुग्यो

सुर्य बहादुर खवास चैत्र २६, २०७६ गते ३:०९ मा प्रकाशित

युएई – युएईमा मंगलवार २ सय ८३ जना नयाँ कोरोना भाईरस (कोभिड–१९) संक्रमित भेटिएको युएइ सरकारको आधिकारिक ट्विट मार्फत जानकारी दिईएको छ।

यो सँगै युएईमा संक्रमितको संख्या २ हजार ३ सय ५९ पुगेको छ। त्यस्तै मंगलबारनै कोराना संक्रमणका कारण थप १ जनाको मृत्यु भएको छ। यो सँगै युएईमा मृत्यु हुनेको संख्या १२ पुगेको छ।

यसै गरि आज १९ जनाले स्वास्थ्य लाभ गरेका छ्न ।यो सँगै स्वास्थ्य लाभ गर्नेको संख्या १ सय ८६ पुगेको छ ।

हाल सम्म यूएईमा कोरोना भाइरस (कोभिड-१९) बाट ११ जना नेपालीहरु संक्रमित भैसकेका छन् । ११ जना संक्रमित मध्ये २ जना उपचार पछि निको भैसकेको र बाँकी ९ जना सामान्य स्थितिमा उपचार भैरहेको युएई स्थित नेपाली दूतावासले जनाएको छ ।

गत शुक्रबार देवदह बुटवलकी एक जना घरेलु कामदार काम गर्ने घर मै मृत्यु भएको र कोरोना कै कारणले मृत्यु भन्ने स्थानीय प्रहरी रिपोर्ट आए पनि दूतावासले पुष्टि गरेको छैन ।

क्याटेगोरी : गल्फ
ट्याग : #breaking, #corona