कोरोना अपडेट : कतारमा आजमात्र २ जनाको मृत्यू र २२५ जना नयाँ संक्रमति, अहिले सम्म २०५७ जना संक्रमित र ६ जनाको मृत्यू

दोहा – कतारमा विश्व महामारीको रुपमा रहेको कोरोना भाईरस (कोभिड-१९) बाट आज थप २ जना को मृत्यू भएको छ। यो संगै मृत्यू हुनेको संख्या ६ पुगेको छ। भने आज २ सय २५ जना संक्रमित  भएको पुष्टि भएको छ । यो संगै कतारमा भाइरस संक्रमितको संख्या २ हजार ५७ जना पुगेको छ । भने अहिले सम्म ६ जनाको मृत्यू भएको छ।

आज मृत्यू हुनेमा एक जना ७४ वर्षीय र अर्का ५९ वर्षीय आप्रवासी रहेका छन्।  उनीहरु पहिले देखि नै अन्यारोग बाट पिडित रहेर उपचार गरिरहेको स्वास्थ्य मन्त्रालयले जनाएको छ।  त्यस्तै आज मात्र १९ जना पूर्ण स्वास्थ्य लाभ गरेका छन्। यो संगै अहिले सम्म पूर्ण निको भएर घर फर्कनेको संख्या १ सय ५० जना पुगेको छ । आज सम्म ४१  हजार ८ सय १८ जनाको जाँच भएको छ ।

कतारमा संक्रमति लक्षण देखिएका विरामीहरुलाई निकै तदारुपताका साथ तत्काल परिक्षण गरिने गरेको छ। यसका लागि देश भर सरकारी, स्थानीय एवं नेपाली लगाएत आप्रवासीहरुलाई स्वयंसेवकका रुपमा खटाई अभियान नै चालेर  सचेतना गराइएको छ। तसर्थ शुरुवातिमै उपचार पाएको हुँदा मानवीय क्षति नगन्य अवस्थामै निकै न्यून रहेको छ।

अहिले सम्म कति जना नेपाली कोरोनाबाट संक्रमित भएका छन् या छैनन् भन्ने तथ्याङ्क बाहिर नआएपनि कुनै पनि नेपाली आइसियू तथा चिन्ताजनक र मृत्यू भएको छैन।  केहि कतार सरकारको क्वारेन्टाइन रहेका नेपालीहरु खुशी नै भएको र मोबाइल लगाएतको सबै सुविधा भएको हुँदा कुनै समस्या देखिएको छैन। सबै जना आ-आफ्नो परिवारसंग निरन्तर सम्पर्कमा रहेको जानकारी उक्त नेपालीहरुले राजदूतावासलाई फोन गरेर गराएका छन्।

सम्बन्धित समाचार

कतारबाट प्रविण गुरुङद्वारा एनआरएनएको उप महासचिव पदमा उम्मेदवारी घोषणा

सिरहा सेवा समिती कतारद्वारा आईसीसी,एनसिसी कतारका हालै निर्वाचित पदाधिकारीलाई सम्मान

आगामी २६ जनवरीमा नेपाल व्यवसायी संघ कतारको अधिवेशन हुँदै, कार्यसमिति…

विभाजित एनसीसी संग एकता गर्न वार्ता समिति गठन