कोरोना अपडेट : कतारमा आज मात्र २२८ जना संक्रमित पुष्टि, अहिले सम्म १८३२ जना संक्रमित , ४ को मृत्यू

दोहा – कतारमा विश्व महामारीको रुपमा रहेको कोरोना भाईरस (कोभिड-१९) बाट  २ सय २८ जना संक्रमित  भएको पुष्टि भएको छ । यो संगै कतारमा भाइरस संक्रमितको संख्या १ हजार ८ सय ३२ जना पुगेको छ । भने अहिले सम्म ४ जनाको मृत्यू भएको छ।

त्यस्तै आज मात्र ८ जना पूर्ण निको भएका छन्।  यो संगै अहिले सम्म पूर्ण निको भएर घर फर्कनेको संख्या १ सय ३१ जना पुगेको छ । आज सम्म ३८  हजार १ सय ८ जनाको जाँच भएको छ ।

कतारमा संक्रमति लक्षण देखिएका विरामीहरुलाई निकै तदारुपताका साथ तत्काल परिक्षण गरिने गरेको छ। यसका लागि देश भर सरकारी, स्थानीय एवं नेपालि लगाएत आप्रवासीहरुलाई स्वयंसेवकका रुपमा खटाई अभियान नै चालेर  सचेतना गराइएको छ। तसर्थ शुरुवातिमै उपचार पाएको हुँदा मानवीय क्षति नगन्य अवस्थामै निकै न्यून रहेको छ।

कोरोना भाईरस न्यूनीकरण गर्नका लागि सचेतनाका गर्न कतार सरकारले विभिन्न भाषामा हरेक दिन सूचना प्रकाशन प्रशारण तथा माईकिङ्ग गरेर सबैलाई सचेत पारिरहेको छ।

नेपाली समुदायलाई खाद्यान्न लगायतको समस्या समाधानको लागि गैर आवासीय नेपाली संघ कतारले कतार स्थित कतार च्यारिटी संग सहकार्य गरी खाद्यान्न वितरण गरिरहेको छ । एनसिसि संगको सहकार्यमा कतारमा रहेका नेपाली व्यवसायी संघ एवं वैचारिक, जातीय, जिल्ला लागाएत सम्प्पूर्ण सामाजिक संस्थाहरु निरन्तर लागि रहेका छन्। कुनैपनी समस्यामा परेका नेपालीले एनसीसी वा नजिकको संस्थालाई सम्पर्क गर्न सक्नेछन् । अहिले सम्म कुनै पनि नेपाली समस्यामा परेका छैनन् ।

सम्बन्धित समाचार

साउदीका नागरिकलाई १६ देशको यात्रामा प्रतिबन्ध

कतारमा मधेस युवा संघद्वारा शुभकामना तथा सम्मान कार्यक्रम सम्पन्न

कतारमा भब्यताका साथ मनाइयो बुद्ध जयन्ती

मानौँ, राजनीति समाज रुपान्तरणको साधन नभएर एउटा धन्दा हो