कोरोना अपडेट : कतारमा १३२५ जना संक्रमित, आज मात्रै २५० जना संक्रमित पुष्टि, अहिले सम्म ३ को मृत्यू

दोहा – कतारमा विश्व महामारीको रुपमा रहेको कोरोना भाईरस (कोभिड-१९) बाट आज  थप २५०  जना संक्रमित  भएको पुष्टि भएको छ । यो संगै कतारमा भाइरस संक्रमितको संख्या १ हजार ३ सय २५ जना पुगेको छ । भने अहिले सम्म ३ जनाको मृत्यू भएको छ।

त्यस्तै आज मात्र १६ जना पूर्ण निको भएका छन्।  यो संगै अहिले सम्म पूर्ण निको भएर घर फर्कनेको संख्या १ सय ९ जना पुगेको छ । आज सम्म ३१ हजार ९ सय ५१ जनाको जाँच भएको छ ।

कतारमा संक्रमति लक्षण देखिएका विरामीहरुलाई निकै तदारुपताका साथ तत्काल परिक्षण गरिने गरेको छ। यसका लागि देश भर सरकारी, स्थानीय एवं नेपालि लगाएत आप्रवासीहरुलाई स्वयंसेवकका रुपमा खटाई अभियान नै चालेर  सचेतना गराइएको छ। तसर्थ शुरुवातिमै उपचार पाएको हुँदा मानवीय क्षति नगन्य अवस्थामै निकै न्यून रहेको छ।

कोरोना भाईरस न्यूनीकरण गर्नका लागि सचेतनाका गर्न कतार सरकारले विभिन्न भाषामा हरेक दिन सूचना प्रकाशन प्रशारण तथा माईकिङ्ग गरेर सबैलाई सचेत पारिरहेको छ।

खाद्यान्न लगायतको समस्या समाधानको लागि कतार च्यारिटी मार्फत नेपाली समुदायलाई गैर आवासीय नेपाली संघ, नेपाली व्यवसायी संघ लगाएतका सस्थाहरु निरन्तर लागि रहेका छन्।  अहिले सम्म कुनै पनि नेपाली समस्यामा परेका छैनन्।

कुनै समस्या परे तत्काल खबर गर्न उक्त संघहरुले आह्वान गरेका छन्।  जसका लागि संघको फेसबुकमा वा सम्बन्धित संघमा फोन वा म्यासेज गर्न सकिने छ।

सम्बन्धित समाचार

कतारका गोर्खालीद्वारा मानव सेवा आश्रमलाई पाँच लाख बढी सहयोग,गुरुङको अध्यक्षतामा…

दशौँ कतार अन्तर्राष्ट्रिय कृषि प्रदर्शनीको ३५ हजार भन्दा बढीले अवलोकन

एनआरएनए युएई र एनएबीच एकता, ठाकुर ढुंगानाको नेतृत्वमा नयाँ कार्यसमिति,विभिन्न…

नेपाली महिला समाज कतारले ११३औं अन्तर्राष्ट्रिय नारी दिवस भब्य रुपमा…