यूएइमा कोरोनाबाट ८१४ जना संक्रमित, आज थप १५० जना संक्रमित पुष्टि

युएई – युएइमामा विश्व महामारीको रुपमा रहेको कोरोना भाईरस (कोभिड-१९) आज १५० जना नयाँ संक्रमित भेटिएको पुष्टि भएको युएइ सरकारको आधिकारिक ट्विटमार्फत जानकारी दिएको छ ।

यो संगै युएईमा भाइरस संक्रमितको संख्या ८ सय १४ पुगेको छ । त्यस्तै अहिले सम्म ६१ जना निको भएर घर फर्केका छन् । यसैगरी आज २ जनाको मृत्यु सँगै कोरोनाको संक्रमणबट मृत्यु हुनेको संख्या ६ पुगेको छ ।

युएई सरकारले गत बिहीवारबाट घोषणा गरेको देश भर सार्वजनिक सार्वजनिक सवारी साधन, सार्वजनिक स्थान तथा सडकहरू कीटाणुरहित गर्न राष्ट्रिय कार्यक्रमलाई निरन्तरता दिदै आएको छ ।

हरेक दिन राती ८ बजे देखि बिहान ६ बजे सम्म संचालन हुने यो अभियान आगामी आईतवार बिहान ६ बजे सम्म संचालन हुनेछ ।

उक्त राष्ट्रव्यापी अभियानको समयमा अत्यावश्यक काम बाहेक हिंडडुल गर्न तथा सार्वजनिक यातायात बन्द हुनेछ ।

बिहान ६ बजे देखि बेलुकी ८ बजे सम्म को समयमा हिंडडुल गर्न तथा नियमित कार्य गर्न कुनै बन्देज रहेको छैन ।

सम्बन्धित समाचार

साउदीका नागरिकलाई १६ देशको यात्रामा प्रतिबन्ध

कतारमा मधेस युवा संघद्वारा शुभकामना तथा सम्मान कार्यक्रम सम्पन्न

कतारमा भब्यताका साथ मनाइयो बुद्ध जयन्ती

मानौँ, राजनीति समाज रुपान्तरणको साधन नभएर एउटा धन्दा हो