कतारमा कोरोनाबट १ को मृत्यू, ५९० संक्रमित, आज मात्र २८ जना संक्रमित भेटिए

दीप संञ्चार चैत्र १६, २०७६ गते ०:३६ मा प्रकाशित

दोहा – कतारमा कोरोना भाइरस (कोभिड-१९) बाट शनिवार १ जनाको मृत्यु भएको छ। भने थप नयाँ २८ जना संक्रमित भेटिएका छन् । कोरोना भाइरस बाट कतारमा पहिलो बिरामीको मृत्यु भएको हो । ५७ वर्षीय एक बंगलादेशी नागरिको मृत्यु भएको स्वास्थ्य मन्त्रालयले जनाएको छ ।

शनिवार सम्म कतारमा ५ सय ९० जनालाई कोरोना संक्रमित भएको छ। सबैको स्वास्थ्य उपचार भैई रहेको छ भने ४३ जना विरामी पूर्ण निको भएर घर फर्किएका छन्। अहिले सम्म १६ हजार ५ सय ८२ जना को परिक्षण भएको छ।

कतार सरकारले गत शुक्रबार देखि लागु हुने गरि यस अघि खुल्न दिएका सम्पूर्ण पसलहरु बन्द गराएको छ भने साना सुपरमार्केटहरु बेलुकी ७ बजे देखि बन्द गर्न निर्देशन दिएको छ। कोरोना संक्रमित भएको लुकाएमा तथा यस विषम परिस्थितिमा जारी भएका सूचना उलंघन गरेमा कडा कानुनि कारबाही गरिने बताएको छ ।

कतार सरकारले सबै अप्रवाशिलाई सहजता होस् भनेर विभिन्न भाषामा थुप्रै सुचनामुलक र संदेश मुलक जानकारीहरु प्रचार प्रसार गरि नै रहेको छ भने कोरोना स्वास्थ्य सम्बन्धि कुनै पनि जानकारी चाहिएमा तुरुन्त १६००० मा कल गर्न भनेको छ।

क्याटेगोरी : गल्फ
ट्याग : #breaking