यूएइमा कोरोना संक्रमित पुगे ३३३ जना, थप ८५ जना संक्रमित भेटिए

सुर्य बहादुर खवास चैत्र १३, २०७६ गते १४:२६ मा प्रकाशित

यूएइ – यूएइमा बुधबार मात्र नयाँ थप ८५ जना कोरोना भाईरस (कोभिड १९) संक्रमितहरु भेटिएका छन्। यो संगै यूएईमा संक्रमितहरुको संख्या ३ सय ३३ जना पुगेको छ। जस मध्ये २ जनाको मृत्यु भएको छ भने ४१ जना निको भएर घर फर्केका छन्।

युएइमा कोरोना संक्रमित दुई नेपाली सहित ४१ जना पुर्ण स्वस्थ भई घर फर्केको युएइ सरकारको आधिकारिक ट्विटमार्फत डा. अल होसनीलाई उदृत गर्दै जानकारी दिएको छ । पछिल्लो पटक पुर्ण स्वस्थ भै घर फर्कनेमा २ नेपाली र १ इरानी नागरिक रहेका छन । पुर्ण स्वस्थ भै घर फर्किनेमा सोमबारसम्म ४१ जना भएको जनाइएको छ।

युएइले १४ दिनका लागि अधिकांश सपिङ मलहरू, कमर्सियल सेन्टर, मासु तथा सब्जी पसल बन्द गर्ने भएको छ । तर लुलु हाइपरमार्केट र क्यारीफोर मार्केट भने सह जीवनयापनका लागि खुल्ला रहनेछन्। यसैगरी होटल रेष्टुरेन्टहरूले डेलिभरी सेवा मात्र प्रदान गर्न सुझाइएको छ। सार्वजनिक पार्क , समुद्रि तटमा जान रोक लगाईएको छ भने आवश्यकता नपरी बाहिर ननिस्कन सबैमा अनुरोध गरिएको छ। युएइले १४ दिनका लागि ट्रान्जिट भएर आउने जाने हवाई सेवालाई समेत रोक लगाएको छ ।