दलीय निर्णयको पर्खाईमा एनसीसी चुनाव

दोहा, एनसीसी कतारको चुनाव नजिकिंदै गर्दा कतारको नेपाली समुदायले नेकपाको कतार स्थित भातृ संगठनको निर्णय पर्खिन बाध्य देखिएका छन्।

तत्कालिन एमालेको प्रवास संगठन प्रवासी नेपाली मन्च र तत्कालिन माओवादी केन्द्रको प्रवास संगठन जनप्रगतिशिल मन्चको संयुक्त निर्णय पर्खेर बसेको चर्चा छ।
प्यानल बिना जित्न नसकिने बिगतको नजीरलाई हेरेर विभिन्न पदका आकांक्षी उमेदवारहरु समेत नेकपा कतारको निर्णयको पर्खाईमा बसेका छन्।

काँग्रेस कम्युनिस्ट बाहेक नयाँ समुहहरुपनि यसपटक एनसीसी चुनावमा थपिएका छन्।

यहि आउँदो जुलाई २६ तारीक एनसीसी कतारले २०१९-२१ कार्यकालको लागि परिषद सदस्य बन्न आवेदन दिएकाहरुको अन्तिम नामावली प्रकाशित गर्ने तयारी गर्दैछ। सम्भवत: नेकपाको भातृ संगठनले त्यही दिन संस्थागत उमेदवार बारे निर्णय लिने चर्चा छ।

२०१९-२१ कार्यकालको लागि वर्तमान एनसीसी कतारका प्रथम उपाध्यक्ष तेज कटुवाल र गत निर्वाचनमा अध्यक्ष पदमा पराजित तथा एनसीसी कतारका सल्लाहकार समेत मोहम्मद मुक्तदा मुसलमान नेतृत्वको दावेदार मानिएका छन् । स्मरण गर्नुपर्ने के छ भने दुबै आकांक्षी पुर्व एमाले उर्फ अहिलेको नेकपा निकट हुन्। त्यसकारणपनि नेकपाको कतार संगठनमा एनसीसी नेतृत्वको बहस बिगत केही महिनादेखी पेचिलो बन्दै आई रहेको छ।

शुत्र भन्छ नेकपाको कतार संगठनले करीव करीव मुसलमानको पक्षमा निर्णय लिने तयारी गरेको छ। नेतृत्वको लागि नेकपाको आधिकारिक उमेदवार बन्न बढी मत संख्या देखाउनु पर्ने र संगठनभित्रका निर्णायकहरुको मत जता बढी उसैको हकमा निर्णय हुने शर्त सारिएक श्रोतले बताएको छ।

बिगतदेखी काँग्रेस र एमाले निकट प्यानल बिच नेतृत्व हत्याउने खेल हुने गरेको भएपनि यसपटक त्यस्तो देखिएको छैन। नेपाली काँग्रेसको भातृ संगठन नेपाली जनसम्पर्क समिती भने नेतृत्वको विषयमा मौन बसेको छ।
करीव ४४ सयको हाराहारीमा यसपटक परिसद सदस्य कायम हुने प्रारम्भिक शुत्रले देखाएको छ भने काँग्रेस कम्युनिस्ट बाहेक नयाँ समुहहरुपनि यसपटक एनसीसी चुनावमा थपिएका छन्।
तत्कालीन संघीय समाजवादी फोरम र नयाँ शक्तिबीच भएको एकतापछि गठित समाजवादी पार्टीको कतार स्थित संगठन नेपाली समाज कतार, संघीय लिम्बूवान सामाजिक मन्च, हेल्प मधेस समूह र सिके राउत समूह यस पटकको चुनावमा निर्णायक भुमिका खेल्न सक्ने शक्तिको रुपमा देखिएका छन्।
सबैभन्दा रोचक पक्ष भनेको यसपटक दलीय रवाफको लडाइँ भन्दापनि भेगीय लडाइँ हुने खतरा देखिएको छ। वैचारिक संगठनको नेतृत्व तहमा रहेकाहरुबाट नै भेगीय नारा दिएर एनसीसी कतारलाई भुगोलले बाँड्ने कार्य गरेकोप्रति भने स्थापनाकालदेखि निरन्तर एनआरएनए अभियानमा लागेकाहरु रुष्ट देखिन्छन्। वैचारिक लडाईंको मार खेप्दै आएको एनसीसीलाई भेगीय नारा बोकेर चुनावी मैदान तताउनु दुर्भाग्य भएको अभियन्ताहरु बताउँछन्।

सम्बन्धित समाचार

नेपाली जनसम्पर्क समिति कतारको पाँचौ अधिवेशन सम्पन्न, सभापतिमा अजिज अलि…

कार्ड्स कतारको दोश्रो अधिवेशन सम्पन्न, अध्यक्षमा पन्थी र महासचिवमा भट्टराई…

पत्रकार सम्मेलन मार्फत एनआरएनए साउदीले गर्यो घोटाला आरोपको घोर भत्सर्ना…

आइसीसीको निर्देशन अनुसार खाता खोलिएको हो: कोइराला (भिडियो सहित)