सञ्जालको महाधिवेशनको तयारी पूरा, नयाँ नेतृत्वको लागि निकै प्रतिस्पर्धा

ठकुरी सहयोग सञ्जार कतारले आफ्नो पाचौं वार्षिक उत्सव एवं चौथो अधिवेशनको तयारी पूरा भएको बताएको छ । सभ्य भाषा, सभ्य संकृति हाम्रो पहिचान, शैक्षिक तथा आर्थिक सम्रृद्दिको साथ सहयोग र सद्भाव सबैमा विश्व्यापी हाम्रो अभियान भन्ने मुल नाराका साथ स्थापना भएको सञ्जालले कतार स्थित लाली गराँस रेष्टुरेन्ट, ग्राण्ड मलको सभा हलमा सम्पन गर्न लागेको हो ।

संस्कार र संस्कृतिको जगेर्ना संगै समृद्द समाजको कल्पना गरेको बताउदै सञ्जालका अध्यक्ष कृष्ण शाहले भने, “जात र धर्म भन्दा माथि उठेर समग्र मानव जातिको हितका लागि सिंगो ठकुरी एक हुनु अहिलेको आवश्यकता हो ।” शाहले दिन दिनानुदिन अपभ्रम्ष हुँदै गएको ठकुरी भाषा संस्कृति र सभ्यता प्रति गहिरो चिन्ता व्यक्त गर्दै आफुले पछिल्लो २ वर्ष निकै चुनौतिपूर्ण कार्यकाल सम्पन्न गरेको बताए । शाहले भने “ठकुरी एकतालाई एका तर्फ जातिय गूँठबन्दीको आरोप समेत लाग्ने गरेको छ भने अर्को तर्फ स्वयम ठकुरी राजामहारानीहरु आफ्नो पहिचान प्रति संवेदनशीलतामा कमि देखिन्छ, तथापी हामिले गरेको विभिन्न अन्तरकृया, सभा सम्मेलन तथा साथ-सहयोग आदान प्रदानले निकै उचाई लिएको छ ।”

झण्डै तिनसयको हाराहारीमा साधारण सदस्यता रहेको सञ्जालले सामाजिक अभियन्ताका रुपमा महत्वपूर्ण भुमिका निर्वाह गर्दै आएको छ । सुरुवातीका दिनहरुमा नेतृत्व पाउन नै धौ धौ भएपनि आगामी नेतृत्वको लागि निकै प्रतिस्पर्धा देखिएको सञ्जालका सल्लाहकार निर्मल सिंह ठकुरीले बताए, ठकुरीले भने “प्रवासको भुमिमा रहेर पनि सञ्जाल प्रतिको चासो र महत्वका विषयमा प्रतिस्पर्धा हुनु सकारात्मक कुरा हो । तर सञ्जाल भित्र अस्वस्थ प्रतिस्पर्धा भने छैन । मलाई विश्वास छ सञ्जालले आगामी नेतृत्व सर्व सहमति मै पाउने छ ।”

यहि जुलाई २६ गते शुक्रवार हुने अधिवेशन तथा वार्षिक उत्सव कार्यक्रमलाई २ चरणमा विभाजन गरीएको छ । पहिलो चरण औपचारीक कार्यक्रम अन्तरगत विविध सास्कृतिक कार्यक्रम, संस्थाको वार्षिक प्रगति विवरण तथा आर्थिक प्रतिवेदन र विभिन्न व्यत्तित्वहरुको मन्तव्य रहेको छ भने दोस्रो चरणमा बन्द सत्र रहेको सञ्जालका प्रथम उपाध्यक्ष भरत मल्लले बताए । मल्लले कतारमा रहेका सम्पूर्ण ठकुरीलाई नयाँ सदस्यता समेत  खुल्ला गरिएको जानकारी दिदै समयमै सदस्यता लिन आग्रह समेत गरेका छन्।

सम्बन्धित समाचार

एनआरएन अध्यक्ष श्रेष्ठ र एफएनसीसीआई अध्यक्ष ढकालबीच ‘एनआरएन इन्भेस्टमेन्ट समिटबारे…

नेपाली व्यवसायी संघद्वारा प्रथम सचिव कृष्ण कुमार सुवेदीलाई भव्य सम्मान…

एनआरएनएको हितमा एक्लै भएपनि उभिन्छौँ – भट्ट

हर्मोसा ब्युटीपार्लरको दोस्रो वार्षिकोत्सव सप्पन्न