राष्ट्रपति बाइडेन तथा जी ७ नेताहरूद्वारा युक्रेनमा रुसको झुटो जनमत संग्रहको निन्दा

राष्ट्रपति जो बाइडेन तथा जी ७ नेताहरुले युक्रेनको कब्जा गरेको भूभागमा रुसले गरेको नक्कलीर झुटो जनमत संग्रहको निन्दा गरेका छन् । उनीहरुले युक्रेनी सार्वभौम क्षेत्रको स्थिति परिवर्तन गर्नको लागि नक्कली जनमत संग्रह रूसी प्रयास अवैधानिक रहेको बताएका छन् ।

“यी कार्यहरूले स्पष्ट रूपमा संयुक्त राष्ट्र संघको बडापत्र र अन्तर्राष्ट्रिय कानूनको उल्लङ्घन गर्दछ र राष्ट्रहरू बीचको कानूनको शासनको विरुद्धमा जान्छ,” सबै नेताहरूले संयुक्त विज्ञप्तिमा भने ।

जी७ ले यी जनमत संग्रहलाई कहिल्यै मान्यता नदिने प्रतिज्ञा गरेको उक्त बिज्ञप्तिमा जनाईएको छ । युक्रेनी भूभागलाई बिलय गर्ने रुसको उक्त प्रयासको बिरोध गर्नुको साथै यदि बिलय भएमा हामी कथित विलयलाई कहिल्यै मान्यता दिनेछैनौं ,बिज्ञप्तिमा उल्लेख छ ।

उनीहरूले रूस र यसका प्रतिनिधिहरूले सुरु गरेका यी जनमत संग्रहको कुनै कानुनी प्रभाव वा वैधता नहुने बताए । साथै यसले कुनै पनि हिसाबले लोकतान्त्रिक मानदण्डहरूको सम्मान गर्दैन भनि बिज्ञप्तिमा भनिएको छ ।

“संयुक्त राज्य अमेरिकाले युक्रेनको भूभागलाई युक्रेनको भाग बाहेक अरू कुनै कुराको रूपमा कहिल्यै मान्यता दिने छैन,” बाइडेनले आफ्नो विज्ञप्तिमा भने।

अमेरिकाले “रूसमाथि थप द्रुत र गम्भीर आर्थिक प्रतिबन्धहरु लाध्ने हाम्रा सहयोगी र साझेदारहरूसँग काम गर्नेछ।” उनले भने ।

साथै रुसले घोषणा गर्ने जुनसुकै मनगढन्ते नतिजालाई अस्वीकार गर्न अमेरिका अन्य राष्ट्रहरूसँग संलग्न हुने उनले बताए ।

सम्बन्धित समाचार

आठ देशका लागि राजदूत नियुक्ति सिफारिस, कुन देशमा कसलाई गरियो…

सुँगुरको मिर्गौला प्रत्यारोपण गरिएका रिचर्डको निधन

कंगनालाई दियो भाजपाले लोकसभा चुनावको टिकट

दिल्लीका मुख्यमन्त्री अरविन्द केजरीवाल पक्राउ