टेक्ससमा घोडा सवारी भेला तथा संगीत-समारोहमा गोली चल्दा ५ जना घाइते

अमेरिकाको टेक्सस राज्यमा एक घोडा सवारी भेला तथा संगीत-समारोहमा गोली चल्दा ५ जना घाइते भएका छन् ।

टेक्ससको एक भटभटे संघ (मोटरसाइकल क्लब)ले आइतबार बिहान आयोजना गरेको घोडा सवारी संगीत(समारोह (ट्रेल राइड कन्सर्ट)मा गोली चल्दा पाँच जना घाइते भएका हुन् ।

स्मिथ काउन्टी शेरिफको कार्यालयले बिहान १२:३५ बजे विनोनामा भएको कार्यक्रममा गोलाबारी भएको खबर प्राप्त गरेको एक समाचार विज्ञप्तिमा उल्लेख गरेको छ ।

संगीत -समारोह नजिकै “एक वा बढी घोडा सवारी समूह” ले भीडमा गोली हानेको प्रत्यक्षदर्शीहरूले अन्वेषकहरूलाई बताए । कार्यक्रममा सहभागीहरूले संगीत (समारोह प्रवेश गर्न अनुमति दिनु अघि जफत गरेका सुरक्षाकर्मीहरूबाट आफ्ना बन्दुकहरू फिर्ता लिएपछि दोस्रो पटक गोली हानाहान भएको थियो ।

प्रहरीहरु आइपुगेपछि पनि तेस्रो पटक गोलाबारी भएको थियो । प्रहरीहरुका अनुसार तेस्रो गोलीबारी पछि घटनास्थलमा कुनै नयाँ पीडितहरू फेला नपरेको समाचार विज्ञप्तिमा भनिएको छ।

गोली लागेका मध्ये चार जनालाई इलाका अस्पतालमा लगिएको शेरिफको कार्यालयले जनाएको सिएनएनले समाचार प्रकाशित गरेको छ । अनुहारमा गोली लागेको एक व्यक्तिलाई गम्भीर अवस्थामा टेक्ससको टायलर शहरको अस्पतालमा उदग्रबिमान (हेलिकप्टर)बाट लागिएको छ ।

अनुसन्धानकर्ताहरूले साक्षीहरूको अन्तर्वार्ता लिइरहेको समाचार विज्ञप्तिमा भनिएको छ।

सम्बन्धित समाचार

आठ देशका लागि राजदूत नियुक्ति सिफारिस, कुन देशमा कसलाई गरियो…

सुँगुरको मिर्गौला प्रत्यारोपण गरिएका रिचर्डको निधन

कंगनालाई दियो भाजपाले लोकसभा चुनावको टिकट

दिल्लीका मुख्यमन्त्री अरविन्द केजरीवाल पक्राउ